പ്രമുഖ മാധ്യമപ്രവർത്തകൻ ഡി. സുദർശൻ അന്തരിച്ചു

തിരുവനന്തപുരം: പ്രമുഖ മാധ്യമപ്രവർത്തകൻ ഡി. സുദർശൻ  (61) അന്തരിച്ചു. ഹൃദയാഘാതത്തെ തുടർന്ന് വ്യാഴാഴ്ച പുലർച്ചെ ശ്രീകാര്യത്തെ സ്വവസതിയിൽ ആയിരുന്നു അന്ത്യം.

ദീപിക ദിനപത്രത്തിന്റെ തിരുവനന്തപുരം ബ്യൂറോ ചീഫ് ആയി ദീർഘകാലം പ്രവർത്തിച്ചു. പ്രശസ്തനായ സ്പോർട്സ് ജേർണലിസ്റ്റ് ആയിരുന്നു. കേരള ഫുട്ബോളിന് കരുത്ത് പകരുന്ന തരത്തിൽ നിരവധി ഇടപെടലുകൾ നടത്തിയ മാധ്യമപ്രവർത്തകൻ കൂടിയായിരുന്നു അദ്ദേഹം.

ഇന്ത്യാവിഷന്റെ സ്പോർട്സ് എഡിറ്റർ ആയിരുന്നു. റിപ്പോർട്ടർ ടിവി, ജീവൻ ടിവി, മംഗളം ടിവി എന്നിവയിലും പ്രവർത്തിച്ചു. സംസ്കാരം വ്യാഴാഴ്ച വൈകിട്ട് തൈക്കാട് ശാന്തി കവാടത്തിൽ വച്ച് നടന്നു.