തൃശൂര്‍: കരുവന്നൂരില്‍ മൂന്ന് സ്‌കൂള്‍ വിദ്യാര്‍ത്ഥികളെ കാണാതായതായ പരാതിയെ തുടര്‍ന്ന് തെരച്ചില്‍ ഊര്‍ജിതമാക്കി പോലീസ്. കരുവന്നൂര്‍ സെന്റ് ജോസഫ് സ്‌കൂള്‍ ഏഴാം ക്ലാസ് വിദ്യാര്‍ത്ഥികളാണ് കാണാതായ മൂന്നു പേരും.
തേലപ്പിള്ളി സ്വദേശികളായ അഭിനന്ദ്, എമില്‍, ആദിദേവ് എന്നിവരെയാണ് കാണാതായത്. സ്‌കൂള്‍ വിട്ട് സൈക്കിളില്‍ മടങ്ങിയെത്തുന്ന ഇവര്‍ ഏറെ നേരം കഴിഞ്ഞിട്ടും വീട്ടിലെത്താതിനെ തുടര്‍ന്ന് വൈകിട്ട് ആറ് മണിയോടെയാണ് വീട്ടുകാര്‍ പോലീസില്‍ പരാതി നല്‍കിയത്.
അതിനിടെ ഒരാള്‍ സ്‌കൂള്‍ വിട്ട് വീട്ടില്‍ എത്തിയിരുന്നുവെങ്കിലും വീണ്ടും തിരിച്ച് പോകുകയായിരുന്നു. പോലീസുകാര്‍ക്കൊപ്പം നാട്ടുകാരും കുട്ടികളെ കണ്ടെത്താന്‍ ശ്രമിക്കുകയാണ്.
കുട്ടികളെക്കുറിച്ച് എന്തെങ്കിലും വിവരം ലഭിക്കുന്നവര്‍ അടുത്തുള്ള പോലീസ് സ്റ്റേഷനുമായോ 9446764846 എന്ന നമ്പരിലോ ബന്ധപ്പെടണമെന്ന് പൊലീസ് അറിയിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.