എയർ ഇന്ത്യ യാത്രക്കാർക്ക് ആശ്വാസ വാർത്ത; കോവിഡ് കാലത്ത് യാത്ര മുടങ്ങിയവർക്ക് 2021 ഡി​സം​ബ​ർ 31 വ​രെ യാത്രാനുമതി

ന്യൂഡൽഹി: കോവിഡ് ലോക്ഡൗൺ കാലത്ത്  വി​മാ​ന സ​ർ​വീ​സു​ക​ൾ റ​ദ്ദ് ചെ​യ്യു​ന്ന​തി​ന് മു​ൻ​പ് ടി​ക്ക​റ്റ് ബു​ക്ക് ചെ​യ്ത​വ​ർ​ക്ക് 2021 ഡി​സം​ബ​ർ 31 വ​രെ യാ​ത്ര ചെ​യ്യാ​മെ​ന്ന് എ​യ​ർ ഇ​ന്ത്യ എ​ക്സ്പ്ര​സ് അ​റി​യി​ച്ചു.

2020 മാ​ർ​ച്ച് 31 മു​ത​ൽ ഒ​ക്ടോ​ബ​ർ 31 വ​രെ​യു​ള്ള കാ​ല​യ​ള​വി​ൽ യാ​ത്ര മു​ട​ങ്ങി​യ​വ​ർ​ക്കാ​ണ് ഈ ​ആ​നു​കൂ​ല്യം.2021 ഡി​സം​ബ​ർ 31 വ​രെ ഈ ​ടി​ക്ക​റ്റു​ക​ളു​ടെ മൂ​ല്യം അ​ത്ര ത​ന്നെ​യാ​യി ക​ണ​ക്കാ​ക്ക​പ്പെ​ടും. ഈ ​കാ​ല​യ​ള​വി​നു​ള്ളി​ൽ ബു​ക്കിം​ഗ് വീ​ണ്ടും ന​ട​ത്തി യാ​ത്ര ചെ​യ്തി​രി​ക്ക​ണം. ഇ​ക്കാ​ല​യ​ള​വി​ൽ യാ​ത്ര​ക്കാ​ർ​ക്ക് ഒ​രു ത​വ​ണ​ത്തേ​ക്ക് യാ​ത്രാ തീ​യ​തി, വി​മാ​നം, റൂ​ട്ട്, ബു​ക്കിം​ഗ് കോ​ഡ് എ​ന്നി​വ മാ​റ്റാ​ൻ അ​വ​സ​ര​മു​ണ്ട്.

എ​ന്നാ​ൽ ആ​ദ്യം ബു​ക്കു​ചെ​യ്ത ടി​ക്ക​റ്റ് നി​ര​ക്കി​നേ​ക്കാ​ൾ കു​റ​ഞ്ഞ നി​ര​ക്കി​ലു​ള്ള ടി​ക്ക​റ്റെ​ടു​ത്താ​ൽ ബാ​ക്കി തു​ക​യോ, പ്ര​ത്യേ​ക ക്ലാ​സോ അ​നു​വ​ദ​നീ​യ​മ​ല്ല. അ​തേ ക്ലാ​സ് യാ​ത്ര​യ്ക്ക് ത​ന്നെ ടി​ക്ക​റ്റ് നി​ര​ക്ക് കൂ​ടു​ത​ലു​ള്ള സാ​ഹ​ച​ര്യ​മു​ണ്ടാ​യാ​ൽ ബാ​ക്കി തു​ക യാ​ത്ര​ക്കാ​രി​ൽ നി​ന്നും ഈ​ടാ​ക്കും. മ​റ്റ് ക്ലാ​സു​ക​ളി​ലെ നി​ര​ക്ക് കൂ​ടു​ത​ലാ​ണെ​ങ്കി​ൽ ബാ​ധ​ക​മാ​യ നി​ര​ക്ക് വ്യ​ത്യാ​സം ഈ​ടാ​ക്കുമെന്നും എയർ ഇന്ത്യ അറിയിച്ചു.