ടെഹ്റാന്: പശ്ചിമേഷ്യന് സംഘര്ഷം അയവില്ലാതെ തുടരുന്നു. ഗള്ഫ് രാജ്യങ്ങളിലേക്കുള്ള ആക്രമണം അവസാനിപ്പിക്കുമെന്ന് പ്രസിഡന്റ് മസൂദ് പെസഷ്കിയാന് പറഞ്ഞതിന് മണിക്കൂറുകള്ക്കകം ഇറാന് റവല്യൂഷണറി ഗാര്ഡിന്റെ ആക്രമണം. അബുദാബിയിലെ യുഎസ് വ്യോമത്താവളത്തില് ഇറാന് ഡ്രോണുകള് പതിച്ചു. ഇറാന്റെ ആക്രമണത്തില് ദുബായില് ഒരാള് മരിച്ചു.
ഇറാനില് നിന്നുള്ള ആക്രമണം തടയുന്ന ശ്രമത്തില് കത്തിയമര്ന്ന അവശിഷ്ടം വാഹനത്തില് പതിച്ച് അല് ബര്ഷയില് ഏഷ്യന് വംശജനായ ഡ്രൈവറാണ് മരിച്ചത്. ദുബായ് വിമാനത്താവളത്തിന്റെ ഇന്ധന ടാങ്കിന് നേരെ നടന്ന മിസൈല് ആക്രമണത്തില് ആര്ക്കും പരിക്കില്ല. കുവൈറ്റ്, ബഹ്റിന്, സൗദി അറേബ്യ എന്നിവിടങ്ങളിലും തുടര്ച്ചയായ ആക്രമണമുണ്ടായി.
ബഹ്റിനിലും വിവിധ ഇടങ്ങളില് ഇറാന് ആക്രമണം നടത്തി. യുഎസ് ബേസിലാണ് ഇറാന് ആക്രമണം നടത്തിയത്. ബഹ്റിന് തലസ്ഥാനമായ മനാമയില് ഇറാന് നടത്തിയ ആക്രമണത്തില് വീടിനും കെട്ടിടത്തിനും കേടുപാടുണ്ടായെന്ന് ആഭ്യന്തര മന്ത്രാലയം വ്യക്തമാക്കി.
ഇറാഖിലെ ബാഗ്ദാദിലെ യുഎസ് എംബസിക്കുനേരെയും ഇറാന്റെ റോക്കറ്റാക്രമണം ഉണ്ടായി. ഇറാഖ് തലസ്ഥാനത്ത് ഉടനീളം വലിയ സ്ഫോടന ശബ്ദങ്ങള് കേട്ടതായി റോയിട്ടേഴ്സ് റിപ്പോര്ട്ട് ചെയ്തു. സ്ഫോടന ശബ്ദങ്ങള് കേട്ടതിനു ശേഷമാണ് എംബസിക്ക് നേരെ ആക്രമണമുണ്ടായത്. ഇറാന്റെ ശത്രുക്കള്ക്ക് താവളം ഒരുക്കി നല്കിയ അയല്ക്കാരെ ലക്ഷ്യം വയ്ക്കുന്നത് തുടരുമെന്ന് ചീഫ് ജസ്റ്റിസ് മുഹ്സനി ഇസെയ് പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.