ന്യൂഡൽഹി: കൊവിഡ് പ്രതിരോധ വാക്സിന് മാര്ച്ച് മുതല് നല്കി തുടങ്ങുമെന്ന് സിറം ഇന്സ്റ്റിറ്റ്യൂട്ട്. മാര്ച്ചില് പരീക്ഷണം പ്രതീക്ഷിച്ചതിലും കൂടുതല് വേഗത്തില് മുന്നോട്ടുപോകുന്നുണ്ടെന്നും പ്രതിരോധ വാക്സിന് തയ്യാറാകുമെന്നും സിറം ഇന്സ്റ്റിറ്റ്യൂട്ട് വ്യക്തമാക്കി.
വാക്സിൻ പരീക്ഷണത്തിന്റെ രണ്ടും മൂന്നും ഘട്ടങ്ങള് വേഗത്തില് നടക്കുന്നുണ്ടെങ്കിലും സര്ക്കാറിന്റെ അനുമതി ലഭിക്കാന് കാലതാമസം എടുക്കും. ഡിസംബറില് വാക്സിന് തയ്യാറാകുമെങ്കിലും മാര്ച്ചോടുകൂടി വിപണിയിലെത്തിക്കാന് കഴിയുമെന്നാണ് പ്രതീക്ഷയെന്നും സിറം ഇന്സ്റ്റിറ്റ്യൂട്ട് അധികൃതർ പറയുന്നു.
ആര്ക്കൊക്കെ വാക്സിന് നല്കണമെന്നത് സര്ക്കാറിന്റെ തീരുമാനമായിരിക്കും. ആദ്യം ആരോഗ്യപ്രവര്ത്തകര്ക്കായിരിക്കും വാക്സിന് നല്കുക. പിന്നീട് 60 വയസ്സിന് മുകളിലുള്ളവര്ക്ക് വാക്സിന് നല്കാനാണ് ആലോചിക്കുന്നത്. അതിന് ശേഷമായിരിക്കും മറ്റുള്ളവര്ക്ക് വാക്സിന് ലഭ്യമാക്കുക.