മുംബൈ: ഇന്ത്യന്‍ സൂപ്പര്‍ ലീഗിന്റെ പുതിയ സീസണ്‍ നവംബര്‍ 19ന് ആരംഭിക്കും. ജനുവരി ഒന്‍പത് വരെയുള്ള ആദ്യ പതിനൊന്ന് റൗണ്ട് മത്സരങ്ങളുടെ തീയതികളാണ് പ്രഖ്യാപിച്ചിരിക്കുന്നത്.
നവംബര്‍ 19ന് നടക്കുന്ന ഉദ്ഘാടന മത്സരത്തില്‍ കേരളാ ബ്ളാസ്റ്റേഴ്സ് നിലവിലെ ചാമ്പ്യന്മാരായ എ ടി കെ മോഹന്‍ ബഗാനെ നേരിടും. നവംബര്‍ 25നുള്ള രണ്ടാമത്തെ മത്സരത്തില്‍ ബ്ലാസ്റ്റേഴ്സ് നോര്‍ത്ത് ഈസ്റ്റ് യുണൈറ്റഡിനെ നേരിടും.
മുന്‍ വര്‍ഷങ്ങളിലേതു പോലെ ഇത്തവണയും ശനിയാഴ്ചകളില്‍ രണ്ട് മത്സരങ്ങള്‍ ഉണ്ടാകും. ആദ്യത്തെ മത്സരം 7.30നും രണ്ടാമത്തെ മത്സരം 9.30നും ആയിരിക്കും നടക്കുക. ഭൂരിഭാഗം മത്സരങ്ങളും വൈകിട്ട് 7.30നാകും നടക്കുക. ഗോവയിലെ ഫറ്റോര്‍ദാ സ്റ്റേഡിയം, ബാംബോലിം സ്റ്റേഡിയം, തിലക് മൈതാനം എന്നിവിടങ്ങളിലാണ് ഇത്തവണ മത്സരങ്ങള്‍ നടക്കുന്നത്.