കാബൂള്‍: ദേശീയ ടീം രൂപീകരണത്തിനായി 25 വനിതാ ക്രിക്കറ്റ് താരങ്ങള്‍ക്ക് കേന്ദ്ര കരാര്‍ നല്‍കാനൊരുങ്ങി അഫ്ഗാനിസ്ഥാന്‍ ക്രിക്കറ്റ് ബോര്‍ഡ് (എ.സി.ബി). ഈ 25 പേരെ തിരഞ്ഞെടുക്കാനായി 40 വനിതാ താരങ്ങളെ പങ്കെടുപ്പിച്ച്‌ എ.സി.ബി ഒരു പരിശീലന ക്യാമ്പ് സംഘടിപ്പിച്ചു. വ്യാഴാഴ്ച എ.സി.ബി തന്നെയാണ് ഇക്കാര്യം പുറത്ത് വിട്ടത്.
ഇസ്ലാമികവും പാരമ്പരാഗതവുമായ അഫ്ഗാന്‍ മൂല്യങ്ങള്‍ കണക്കിലെടുത്തായിരുന്നു ക്യാമ്പ് നടത്തിയത്. ഒക്ടോബര്‍ 17-ന് ആരംഭിച്ച ക്യാമ്പിൽ കളിക്കാര്‍ക്ക് ബാറ്റിങ്, ബൗളിങ്, ഫീല്‍ഡിങ്, ശാരീരികക്ഷമത ശക്തിപ്പെടുത്തല്‍ എന്നിവയിലായിരുന്നു പരിശീലനം നല്‍കിയത്.