ദില്ലി: ഫേസ്ബുക്കിനെതിരെ ഗുരുതര വെളിപ്പെടുത്തലുമായി മുന് ജീവനക്കാരന് മാര്ക്ക് ലൂക്കി. ഡല്ഹി കലാപവുമായി ബന്ധപ്പെട്ട് ഫേസ്ബുക്കിലൂടെ പ്രചരിച്ച വിദ്വേഷ പോസ്റ്റുകളില് നിന്ന് ഫേസ്ബുക്ക് ലാഭമുണ്ടാക്കിയെന്ന് ലൂക്കി പറഞ്ഞു. വിദ്വേഷ പോസ്റ്റുകള് നിയന്ത്രിക്കുന്നതില് കമ്പനിക്ക് വീഴ്ച പറ്റിയെന്ന് നിയമസഭാ സമിതിക്ക് മുന്നില് നല്കിയ മൊഴിയില് അദ്ദേഹം പറഞ്ഞു.
സമൂഹത്തിനെ ഭിന്നതയിലേക്ക് നയിച്ച് കമ്പനി തെറ്റായ തൊഴില് സമ്പ്രദായമുണ്ടാക്കുന്നുവെന്ന് ആരോപിച്ച് 2018 നവംബറിലാണ് ലൂക്കി ഫേസ് ബുക്ക് വിടുന്നത്. ഫേസ്ബുക്കിനെതിരെയുള്ള ആരോപണം പുറത്തുവന്നതിന് പിന്നാലെ വിഷയത്തില് കര്ശന നിലപാട് സ്വീകരിക്കണമെന്ന് ശശി തരൂര് അധ്യക്ഷനായ ഐ.ടി പാര്ലമെന്ററി സമിതി ആവശ്യപ്പെട്ടിരുന്നു.
വിദ്വേഷപരവും ഭിന്നിപ്പിക്കുന്നതുമായ ഉള്ളടക്കത്തിന് മിക്കപ്പോഴും ഏറ്റവും കൂടുതല് ഷെയറും, ലൈക്കും കമന്റുകളും കിട്ടാറുണ്ട് എന്നതുകൊണ്ടുതന്നെ വിദ്വേഷ ഉള്ളടക്കമുള്ള പോസ്റ്റിന് റീച്ച് നല്കുന്നതിലൂടെ ഫേസ്ബുക്ക് ലാഭമുണ്ടാക്കിയെന്നും മാര്ക്ക് ലൂക്കി സമിതിക്ക് മൊഴിനല്കി.