ലഖ്നൗ: മദ്രസകളില് ക്ലാസ് ആരംഭിക്കുന്നതിന് മുമ്പ് ദേശീയ ഗാനം ആലപിക്കുന്നത് നിര്ബന്ധമാക്കി ഉത്തര്പ്രദേശ് സര്ക്കാര്. ക്ലാസ് ആരംഭിക്കും മുമ്പ് എല്ലാ വിദ്യാര്ഥികളും അധ്യാപകരും ദേശീയഗാനം ആലപിക്കണമെന്നാണ് ഉത്തരവ്.
നേരത്തേ തുടര്ന്നിരുന്ന മതപരമായ പ്രാര്ഥനക്കൊപ്പം ദേശീയ ഗാനവും ആലപിക്കണം. ഉത്തര്പ്രദേശ് ന്യൂനപക്ഷ വകുപ്പ് മന്ത്രി ഡാനിഷ് ആസാദ് അന്സാരിയാണ് ഉത്തരവിറക്കിയത്.
മാര്ച്ച് 24 ന് ചേര്ന്ന ഉത്തര്പ്രദേശ് മദ്രസ എജ്യുക്കേഷന് ബോര്ഡ് യോഗത്തില് മദ്രസകളില് ദേശീയ ഗാനം നിര്ബന്ധമാക്കാന് തീരുമാനിച്ചിരുന്നു. മെയ് 12 മുതല് ഉത്തരവ് പ്രാബല്യത്തില് വന്നു. എല്ലാ അംഗീകൃത, എയ്ഡഡ്, അണ് എയ്ഡഡ് മദ്രസകള്ക്കും ഉത്തരവ് ബാധകമാണ്.