ന്യൂഡല്ഹി: വയനാട്ടില് രാഹുല് ഗാന്ധിയുടെ ഓഫീസ് ആക്രമിക്കപ്പെട്ടതിന് പിന്നാലെ ഡല്ഹിയിലെ എകെജി ഭവന്റെ സുരക്ഷ വര്ധിപ്പിച്ചു. എകെജി ഭവനിലേക്ക് ആക്രമണം ഉണ്ടായേക്കുമെന്ന രഹസ്യാന്വേഷണ റിപ്പോര്ട്ടുകളുടെ അടിസ്ഥാനത്തിലാണ് സുരക്ഷ കൂട്ടിയത്.
യൂത്ത് കോണ്ഗ്രസുകാര് സിപിഎം ഓഫീസിലേക്ക് മാര്ച്ച് നടത്തുമെന്ന് സൂചന ഉണ്ടായിരുന്നെങ്കിലും ഒന്നും സംഭവിച്ചില്ല. ഡല്ഹി പോലീസിന് പുറമേ കേന്ദ്രസേനാ വിഭാഗങ്ങളെകൂടി എകെജി ഭവന് സമീപം വിന്യസിച്ചു. സംഘര്ഷ സാധ്യതയുണ്ടെന്ന ഇന്റലിജന്സ് റിപ്പോര്ട്ടിന്റെ അടിസ്ഥാനത്തിലാണ് നടപടി.
ഓഫീസ് പരിസരം ബാരിക്കേഡുകള് വെച്ച് അടച്ച് പ്രവേശനം തടഞ്ഞിരിക്കുകയാണ്. പാര്ക്കിങ്ങിനും അനുവാദമില്ല. എകെജി ഭവന് സമീപം ഇന്നലെ എന്എസ്യു പ്രതിഷേധം നടത്തിയിരുന്നു.
ഇന്നലെ വൈകുന്നേരമാണ് കോണ്ഗ്രസ് നേതാവും വയനാട് എംപിയുമായ രാഹുല്ഗാന്ധിയുടെ കല്പറ്റയിലെ ഓഫീസ് എസ്എഫ്ഐ പ്രവര്ത്തകര് അടിച്ചുതകര്ത്തത്. ഓഫീസില് അതിക്രമിച്ചുകയറിയ അമ്പതിലേറെ പ്രവര്ത്തകര് ജീവനക്കാരെ വളഞ്ഞിട്ട് ആക്രമിച്ചു.