തിരുവനന്തപുരം: സംസ്ഥാനത്ത് പ്ലസ് വണ് പ്രവേശനത്തിന്റെ സമയക്രമം വീണ്ടും പുതുക്കി. പ്ലസ് വണ് ട്രയല് അലോട്ട്മെന്റ് ഈ മാസം 28 ന് നടക്കും. ആദ്യ അലോട്ട്മെന്റ് പട്ടിക ഓഗസ്റ്റ് മൂന്നിന് പ്രസിദ്ധീകരിക്കും. ക്ലാസുകള് ഓഗസ്റ്റ് 22നു തുടങ്ങും.
അപേക്ഷയ്ക്കുള്ള സമയം ഹൈക്കോടതി നീട്ടിയതിനെ തുടര്ന്നാണു പുനക്രമീകരണം. സിബിഎസ്ഇ 10ാം ക്ലാസ് ഫലം പ്രസിദ്ധീകരിച്ചിട്ടില്ലാത്ത പശ്ചാത്തലത്തില് രണ്ട് വിദ്യാര്ഥികള് നല്കിയ ഹര്ജിയിലായിരുന്നു കോടതി സമയം നീട്ടിനല്കിയത്.
പ്ലസ് വണ് സീറ്റിലേക്ക് അപേക്ഷിക്കാന് ഇന്നു വരെ ഹൈക്കോടതി സമയം അനുവദിച്ചിരുന്നു. ഇത് അടിസ്ഥാനമാക്കിയാണ് പ്രവേശനത്തിനുള്ള മറ്റ് നടപടികളുടെ സമയക്രമം സംസ്ഥാന പൊതു വിദ്യാഭ്യാസ വകുപ്പ് പരിഷ്കരിച്ചത്.
പ്ലസ് വണ് പ്രവേശനത്തിന് അപേക്ഷ നല്കാനുള്ള അവസാന തീയതി ഇക്കഴിഞ്ഞ 18 നായിരുന്നു. എന്നാല് ജൂലൈ 22ന് കേസ് പരിഗണിച്ചപ്പോള് ഫലം പ്രഖ്യാപിച്ചതായി സിബിഎസ്ഇ അധികൃതര് കോടതിയെ അറിയിച്ചു.