ന്യൂഡല്ഹി: കോവിഡിനെതിരായ പോരാട്ടം ശക്തമാക്കാന് ആവശ്യപ്പെട്ട് കേരളത്തിന് കത്തയച്ച് കേന്ദ്ര സര്ക്കാര്. കേന്ദ്ര ആരോഗ്യ വകുപ്പ് സെക്രട്ടറി രാജേഷ് ഭൂഷണ് ആണ് സംസ്ഥാന ആരോഗ്യ വകുപ്പ് സെക്രട്ടറിമാര്ക്ക് കത്തയച്ചത്.
രാജ്യത്ത് ഇന്നലെ 19,406 പേര്ക്കാണ് കോവിഡ് രോഗബാധ സ്ഥിരീകരിച്ചത്. 24 മണിക്കൂറിനിടെ 49 പേര് വൈറസ് ബാധ മൂലം മരിച്ചതായും കേന്ദ്ര ആരോഗ്യമന്ത്രാലയത്തിന്റെ കണക്കുകള് വ്യക്തമാക്കുന്നു. ഒമൈക്രോണും അതിന്റെ ഉപവകഭേദങ്ങളുമാണ് ഇന്ത്യയില് പടരുന്നതെന്നാണ് ആരോഗ്യവിദഗ്ധരുടെ വിലയിരുത്തല്.
കോവിഡ് കേസുകള് ഉയരുന്ന കേരളം, കര്ണാടക, മഹാരാഷ്ട്ര, ഒഡീഷ, തമിഴ്നാട്, തെലങ്കാന സംസ്ഥാനങ്ങള്ക്കാണ് കേന്ദ്രം മുന്നറിയിപ്പ് നല്കിയത്. കോവിഡ് വാക്സിനേഷന് ഊര്ജ്ജിതമായി നടത്തണം, കോവിഡ് നിയന്ത്രണങ്ങള് കര്ശനമായി നടപ്പാക്കണം തുടങ്ങിയ നിര്ദേശങ്ങളാണ് മുന്നോട്ടുവെച്ചിട്ടുള്ളത്.