ഒമാൻ: ഏഷ്യാ കപ്പ് ക്രിക്കറ്റ് 2022 ന്‍റെ യോഗ്യതാ മത്സരങ്ങൾ ഇന്ന് ആരംഭിക്കും. അൽ ആമിറാത്തിലെ ഒമാൻ ക്രിക്കറ്റ് അക്കാദമി ഗ്രൗണ്ടിലാണ് മത്സരങ്ങൾ നടക്കുക.
ഈ മാസം 24 വരെ ഒമാനിൽ വച്ച് നടക്കുന്ന യോഗ്യത മത്സരങ്ങളിൽ കുവൈത്ത്, ഹോങ്കോങ്, സിങ്കപ്പൂർ എന്നീ ടീമുകൾ ഏറ്റുമുട്ടും. കൂടുതൽ പോയിന്റ് നേടുന്ന ഒരു ടീം യു.എ.ഇ യിൽ നടക്കുന്ന ഏഷ്യാ കപ്പിന് യോഗ്യത നേടും. ഇന്ത്യ, പാകിസ്ഥാൻ, ബംഗ്ലാദേശ്, ശ്രീലങ്ക, അഫ്ഗാനിസ്ഥാൻ എന്നിവരാണ് ഏഷ്യാ കപ്പിൽ പങ്കെടുക്കുന്ന മറ്റ് ടീമുകൾ.
ആഗസ്റ്റ് 27 മുതൽ സെപ്റ്റംബർ 11 വരെ ദുബൈയിലാണ് ഏഷ്യാ കപ്പ് മത്സരങ്ങൾ. ഒമാനിൽ നടക്കുന്ന യോഗ്യതാ മത്സരങ്ങളിൽ വിജയിയാകുന്ന ടീം ഉൾപ്പെടെ രണ്ട് ഗ്രൂപ്പുകളിലായി ആറ് ടീമുകളാണ് ഏഷ്യാ കപ്പ് ക്രിക്കറ്റിന്റെ ഗ്രൂപ്പ് ഘട്ടത്തിൽ ഏറ്റുമുട്ടുക. ആദ്യ നാല് സ്ഥാനക്കാർ സെമിയിലെത്തും. നേരത്തെ യു.എ.ഇ യിൽ നടന്ന ട്വന്‍റി 20 ലോക കപ്പ് ഗ്രൂപ്പ് മത്സരങ്ങൾക്കും ലെജൻഡ്സ് ക്രിക്കറ്റ് ലീഗിനും ഒമാൻ വേദിയായിട്ടുണ്ട്.