ന്യൂഡല്ഹി: ഇഡിയുടെ വിശാല അധികാരം ശരിവെച്ച സുപ്രീം കോടതി ഉത്തരവിനെതിരായ പുനപരിശോധനാ ഹര്ജി സുപ്രീം കോടതി ഇന്ന് തുറന്ന കോടതിയില് വാദം കേള്ക്കും. കോണ്ഗ്രസ് നേതാവ് കാര്ത്തി ചിദംബരം നല്കിയ ഹര്ജിയിലാണ് വാദം കേള്ക്കുന്നത്. ചീഫ് ജസ്റ്റിസ് എന്.വി. രമണയുടെ അധ്യക്ഷതയിലുള്ള മൂന്നംഗ ബെഞ്ചിന്റേതാണ് തീരുമാനം.
ഇഡിക്ക് പരമാധികാരം നല്കുന്ന വിധി പ്രസ്താവിച്ചത് ജസ്റ്റിസുമാരായ എ.എം. ഖാന്വില്ക്കര്, ദിനേശ് മഹേശ്വരി, സി.ടി. രവികുമാര് എന്നിവരടങ്ങിയ ബെഞ്ചാണ്. ഇതില് ജസ്റ്റിസ് ഖാന്വില്ക്കര് വിരമിച്ചു. ഈ സാഹചര്യത്തിലാണ് ചീഫ് ജസ്റ്റിസ് എന്.വി. രമണ ബെഞ്ചിന്റെ ഭാഗമാകുന്നത്.
കള്ളപ്പണം വെളുപ്പിക്കല് നിരോധന നിയമത്തില് ഇഡിക്ക് വിശാല അധികാരങ്ങള് നല്കിയത് സുപ്രീം കോടതി ശരിവച്ചിരുന്നു. നിയമത്തിന്റെ അടിസ്ഥാനത്തിലുള്ള അറസ്റ്റ്, സ്വത്ത് കണ്ടുകെട്ടല്, ജാമ്യത്തിനായുള്ള കര്ശനവ്യവസ്ഥകള് തുടങ്ങിയവ കോടതി ശരിവെച്ചു. ഇഡി പൊലീസ് അല്ലെന്നും ഇസിഐആര് രഹസ്യരേഖയായി കാണക്കാമെന്നും വിധിയില് പറയുന്നു.