ഉത്തര്പ്രദേശ്: ഐഎസ് ലഘുലേഖകളും ഇലക്ട്രോണിക് ഉപകരണങ്ങളുമായി പോപ്പുലര് ഫ്രണ്ട് നേതാവ് ലക്നൗവില് അറസ്റ്റില്. അബ്ദുള് മജീദ് എന്ന വ്യക്തിയെയാണ് അറസ്റ്റ് ചെയ്തത്. കഴിഞ്ഞ ദിവസത്തെ പിഎഫ്ഐ നേതാക്കളുടെ അറസ്റ്റിന് പിന്നാലെ രക്ഷപ്പെടാന് ശ്രമിച്ച ഇയാളെ രഹസ്യ വിവരത്തിന്റെ അടിസ്ഥാനത്തില് നടത്തിയ തിരച്ചിലിനാണ് പിടികൂടിയത്.
അതേസമയം ഹവാല വഴി പിഎഫ്ഐ ഗള്ഫില് നിന്നും കേരളത്തിലേക്ക് കോടികള് അയച്ചതായി എന്ഫോഴ്സ്മെന്റ് ഡയറക്ടറേറ്റ് കോടതിയില് വെളിപ്പെടുത്തി. വ്യാജ സംഭാവന രസീതുകള് ഉണ്ടാക്കി അബുദാബിയിലെ ദർബാർ റെസ്റ്റോറന്റ് ഹബ്ബ് ആക്കിയാണ് ഇന്ത്യയിലേക്ക് ഹവാല പണമൊഴുക്കിയത് എന്നാണ് കണ്ടെത്തല്.
മുമ്പ് അറസ്റ്റു ചെയ്ത അബ്ദുള് റസാക്ക് ബിപിയാണ് ഹോട്ടലിലെ ഹവാല ഇടപാടുകള്ക്ക് ചുക്കാന് പിടിച്ചതെന്നും ഇഡി ആരോപിച്ചു. 'താമർ ഇന്ത്യ' എന്ന ഇയാളുടെ മറ്റൊരു സ്ഥാപനവും ഹവാല ഇടപാടിനായി ഉപയോഗിച്ചുവെന്നാണ് അന്വേഷണ ഏജന്സി പറയുന്നത്.