ന്യൂഡല്ഹി: മുന്നോക്ക വിഭാഗങ്ങളിലെ പിന്നോക്കക്കാര്ക്ക് പത്ത് ശതമാനം സാമ്പത്തിക സംവരണം ഏര്പ്പെടുത്തിയ തീരുമാനം സുപ്രീം കോടതി ശരിവെച്ചു. മുന്നോക്ക വിഭാഗങ്ങളിലെ സാമ്പത്തികമായി പിന്നോക്കം നില്ക്കുന്നവര്ക്ക് സംവരണം നല്കുന്നതിന് കൊണ്ടു വന്ന ഭരണഘടന ഭേദഗതിക്കെതിരായ ഹര്ജികളിലാണ് സുപ്രീം കോടതിയുടെ ഭരണഘടനാ ബെഞ്ചിന്റെ നിര്ണായക വിധി.
അഞ്ചംഗ ബെഞ്ചിലെ നാല് പേരാണ് സാമ്പത്തിക സംവരണം ശരിവെച്ചത്. ഒരാള് എതിര്ത്തു. സാമ്പത്തിക സംവരണം ഭരണഘടനാപരമാണെന്നും ഇത് ഭരണഘടനയുടെ അടിസ്ഥാന തത്വങ്ങള്ക്ക് എതിരല്ലെന്നും സുപ്രീം കോടതി വ്യക്തമാക്കി.
103-ാം ഭരണഘടനാ ഭേദഗതി ഭരണഘടനാ വിരുദ്ധമാണെന്ന് ആരോപിച്ചുള്ള ഹര്ജികളിലാണ് സുപ്രീം കോടതിയുടെ നിര്ണായക വിധി.