ദില്ലി: സി.ബി.ഐ അന്വേഷണത്തിന് അതത് സംസ്ഥാന സർക്കാരുകളുടെ അനുമതി നിർബന്ധമാണെന്ന് സുപ്രീംകോടതി. സംസ്ഥാന സർക്കാരുകളെ മറികടന്നു കേസ് അന്വേഷിക്കുന്നത് ഫെഡറൽ തത്വങ്ങളുടെ ലംഘനമാകുമെന്നും കോടതി നിരീക്ഷിച്ചു. സി.ബി.ഐ അന്വേഷണത്തിനു സംസ്ഥാന സർക്കാർ പൊതുവായ അനുമതി നൽകിയെങ്കിൽ മാത്രമേ കേസന്വേഷണവുമായി മുന്നോട്ട് പോകാനാകു എന്ന് സുപ്രീംകോടതി വ്യക്തമാക്കി.
ഉത്തർപ്രദേശിൽ കൽക്കരി ഖനനവുമായി ബന്ധപ്പെട്ട കേസിൽ സി.ബി.ഐ അന്വേഷണത്തിനെതിരായി നൽകിയ ഹർജിയിലെ വിധിയിലാണ് സുപ്രീംകോടതി നിരീക്ഷണം. സി.ബി.ഐ അന്വേഷണത്തിന് നൽകിയ മുൻകൂർ പൊതു അനുമതി കേരളമടക്കം എട്ട് സംസ്ഥാനങ്ങൾ പിൻവലിച്ച പശ്ചാത്തലത്തിൽ കോടതി നിരീക്ഷണം പ്രസക്തമാണ്.