ഉന്നത വിദ്യാഭ്യാസ കമ്മീഷന്‍ ബില്‍ പാര്‍ലമെന്റിന്റെ ശൈത്യകാല സമ്മേളനത്തില്‍; നിയമ ലംഘനം നടത്തുന്നവര്‍ക്ക് അഞ്ചു കോടി വരെ പിഴ

ന്യൂ​ഡ​ൽ​ഹി: ഉന്നത വിദ്യാഭ്യാസ കമ്മീഷന്‍ ബില്‍ പാര്‍ലമെന്റിന്റെ ശൈത്യകാല സമ്മേളനത്തില്‍. വി​ദ്യാ​ഭ്യാ​സ മേ​ഖ​ല​യി​ൽ നി​യ​മ​ലം​ഘ​നം ന​ട​ത്തു​ന്ന​വ​ർ​ക്ക് അ​ഞ്ചു കോ​ടി രൂ​പ വ​രെ പി​ഴ  ശി​ക്ഷ വി​ധി​ക്കാ​വു​ന്ന​വി​ധം വി​പു​ല​മാ​യ അ​ധി​കാ​ര​ങ്ങ​ളു​ള്ള നി​ർ​ദി​ഷ്ട ഉ​ന്ന​ത വി​ദ്യാ​ഭ്യാ​സ ക​മീ​ഷ​ൻ (എ​ച്ച്.​ഇ.​സി.​ഐ) ബി​ല്ലി​ന് അ​ന്തി​മ രൂ​പ​മാ​യി.

കേ​ന്ദ്ര സ​ർ​ക്കാ​ർ പാ​ർ​ല​മെ​ന്റി​ന്റെ ശൈ​ത്യ​കാ​ല സ​മ്മേ​ള​ന​ത്തി​ൽ അ​വ​ത​രി​പ്പി​ക്കാ​ൻ ഉ​ദ്ദേ​ശി​ക്കു​ന്ന ബി​ൽ പ്ര​കാ​രം, സ്ഥാ​പ​നം ന​ട​ത്തു​ന്ന ഏ​തു നി​യ​മ​ലം​ഘ​ന​ത്തി​നും അ​തി​ന്റെ മേ​ല​ധി​കാ​രി ശി​ക്ഷാ​ർ​ഹ​നാ​യി​രി​ക്കും. ഉ​ത്ത​ര​വാ​ദി​യ​ല്ലെ​ങ്കി​ൽ അ​ത് മേ​ല​ധി​കാ​രി തെ​ളി​യി​ക്ക​ണം. ഉ​ന്ന​ത വി​ദ്യാ​ഭ്യാ​സ മേ​ഖ​ല​യു​ടെ നി​യ​ന്ത്ര​ണം ഏ​കീ​ക​രി​ക്കാ​നു​ദ്ദേ​ശി​ച്ച് കേ​ന്ദ്ര വി​ദ്യാ​ഭ്യാ​സ മ​ന്ത്രാ​ല​യം ത​യാ​റാ​ക്കി​യ ബി​ല്ലി​ൽ ഉ​ന്ന​ത വി​ദ്യാ​ഭ്യാ​സ ക​മീ​ഷ​ന് 15 അം​ഗ ഭ​ര​ണ​സ​മി​തി​യാ​ണ് നി​ർ​ദേ​ശി​ച്ചി​രി​ക്കു​ന്ന​ത്.

ചെ​യ​ർ​പേ​ഴ്സ​നും വൈ​സ് ചെ​യ​ർ​​പേ​ഴ്സ​നു​മു​ള്ള ക​മീ​ഷ​നി​ൽ ഒ​രു സം​സ്ഥാ​ന സ​ർ​വ​ക​ലാ​ശാ​ല വൈ​സ് ചാ​ൻ​സ​ല​റും സം​സ്ഥാ​ന ഉ​ന്ന​ത വി​ദ്യാ​ഭ്യാ​സ കൗ​ൺ​സി​ലു​ക​ളി​ൽ​നി​ന്ന് ര​ണ്ട് പ്ര​ഫ​സ​ർ​മാ​രും അം​ഗ​ങ്ങ​ളാ​ക​ണം. കേ​ന്ദ്ര ഉ​ന്ന​ത വി​ദ്യാ​ഭ്യാ​സ സെ​ക്ര​ട്ട​റി, കേ​ന്ദ്ര ധ​ന​കാ​ര്യ സെ​ക്ര​ട്ട​റി, ഒ​രു കേ​ന്ദ്ര സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ, ഒ​രു നി​യ​മ വി​ദ​ഗ്ധ​ൻ, ഒ​രു ഉ​ന്ന​ത വ്യ​ക്തി​ത്വം എ​ന്നി​വ​രും ഉ​ണ്ടാ​കും.

സം​സ്ഥാ​ന​ങ്ങ​ളി​ൽ ​നി​ന്ന് പ്ര​തി​നി​ധി​ക​ളി​ല്ലാ​തെ 2018ൽ ​കൊ​ണ്ടു​വ​ന്ന ഉ​ന്ന​ത വി​ദ്യാ​ഭ്യാ​സ ക​മീ​ഷ​ൻ (എ​ച്ച്.​ഇ.​സി.​ഐ) ബി​ൽ പ്ര​തി​ഷേ​ധ​ത്തെ തു​ട​ർ​ന്ന് കേ​ന്ദ്ര സ​ർ​ക്കാ​ർ പി​ൻ​വ​ലി​ച്ചി​രു​ന്നു. സം​സ്ഥാ​ന സ​ർ​ക്കാ​റു​ക​ളു​ടെ അ​ധി​കാ​രം ക​വ​ർ​ന്ന് ഉ​ന്ന​ത വി​ദ്യാ​ഭ്യാ​സ മേ​ഖ​ല പൂ​ർ​ണ​മാ​യും കേ​ന്ദ്ര​ത്തി​നു കീ​ഴി​ലാ​ക്കാ​നു​ള്ള ശ്ര​മ​മാ​ണെ​ന്നാ​യി​രു​ന്നു വി​മ​ർ​ശ​നം.

സം​സ്ഥാ​ന പ്ര​തി​നി​ധി​ക​ളെ ഉ​ൾ​പ്പെ​ടു​ത്തി പു​തി​യ ബി​ല്ലി​ൽ ഈ ​പ​രാ​തി മ​റി​ക​ട​ക്കാ​ൻ ശ്ര​മി​ച്ചി​ട്ടു​ണ്ട്. അ​തേ​സ​മ​യം ക​മീ​ഷ​ൻ ചെ​യ​ർ​പേ​ഴ്സ​നെ​യും വൈ​സ് ചെ​യ​ർ​പേ​ഴ്സ​നെ​യും നീ​ക്കാ​ൻ കേ​ന്ദ്ര സ​ർ​ക്കാ​റി​ന് അ​ധി​കാ​രം ന​ൽ​കു​ന്ന പ​ഴ​യ വി​വാ​ദ വ്യ​വ​സ്ഥ ഭേ​ദ​ഗ​തി​യോ​ടെ നി​ല​നി​ർ​ത്തി. സി​റ്റി​ങ് സു​പ്രീം​കോ​ട​തി ജ​ഡ്ജി​യു​ടെ മേ​ൽ​നോ​ട്ട​ത്തി​ലു​ള്ള അ​ന്വേ​ഷ​ണ​ത്തി​ന് അ​നു​സൃ​ത​മാ​യി മാ​ത്ര​മേ നീ​ക്കം ചെ​യ്യാ​വൂ എ​ന്നാ​ണ് ഭേ​ദ​ഗ​തി.