ന്യൂഡല്ഹി: രാജ്യത്തെ കോവിഡ് രോഗ ബാധിതരുടെ എണ്ണം 90 ലക്ഷം കടന്നു. കഴിഞ്ഞ 24 മണിക്കൂറിനിടെ 45,882 പേര്ക്ക് കൂടി പുതുതായി കോവിഡ് സ്ഥിരീകരിച്ചു. ഇതോടെ രാജ്യത്തെ ആകെ കോവിഡ് രോഗികളുടെ എണ്ണം 90,04,366 ആയി.
24 മണിക്കൂറിനിടെ 584 പേര് കോവിഡ് ബാധിച്ച് മരിച്ചു. ഇതോടെ രാജ്യത്തെ ആകെ കോവിഡ് മരണം 1,32,162 ആയി ഉയര്ന്നു. നിലവില് 4,43,794 പേരാണ് രാജ്യത്ത് ചികിത്സയിലുള്ളത്. വ്യാഴാഴ്ച 44,807 പേര് രോഗ മുക്തരായതോടെ രാജ്യത്തെ ആകെ രോഗ മുക്തരുടെ എണ്ണം 84,28,410 ആയി. ഇന്നലെ 10,83,397 സാംപിള് പരിശോധിച്ചതായി ഐസിഎംആര് അറിയിച്ചു.