ദില്ലി: കോവിഡ് വാക്സിന് ജനുവരിയോടെ ലഭ്യമാക്കുമെന്ന് സിറം ഇൻസ്റ്റിറ്റ്യൂട്ട്. കോവിഷീൽഡ് വാക്സിനാണ് ലഭ്യമാക്കുക. സർക്കാർ അനുമതി ലഭിച്ചാൽ 10 കോടി ഡോസ് വാക്സിൻ വിതരണം ചെയ്യുമെന്നും ഡോസിന് 250 രൂപ നിരക്കിലാണ് വിതരണം നടത്തുകയെന്നും സിറം ഇൻസ്റ്റിറ്റ്യൂട്ട് അറിയിച്ചു. അസ്ട്ര സെനക എന്ന മരുന്ന് കമ്പനിയുമായാണ് സിറം ഇന്സ്റ്റിറ്റ്യൂട്ട് കരാറിലെത്തിയത്.
4 കോടി ഡോസ് ഇതിനകം തയ്യാറാണെന്ന് സിറം ഇന്സ്റ്റിറ്റ്യൂട്ട് സി ഇ ഒ അഡര് പൂനവാല പറഞ്ഞു. ലൈസന്സ് നടപടി ക്രമങ്ങള് പൂര്ത്തിയാക്കിയ ശേഷമേ വിതരണം ചെയ്യാൻ സാധിക്കുമെന്ന് അദ്ദേഹം പറഞ്ഞു. അതിനിടെ രാജ്യത്തെ കോവിഡ് സാഹചര്യം വിലയിരുത്താൻ പ്രധാനമന്ത്രി ഇന്ന് കേരളം ഉൾപ്പെടെ എട്ട് സംസ്ഥാനങ്ങളിലെ മുഖ്യമന്ത്രിമാരുമായി ചർച്ച നടത്തും. കോവിഡ് വാക്സിൻ വിതരണമാകും യോഗത്തിലെ പ്രധാന ചർച്ചാ വിഷയം.