ഐഎസ്‌എല്ലില്‍ ഇന്നലെ നടന്ന മത്സരത്തിൽ ഇന്ത്യൻ സൂപ്പർ ലീഗിലെ തുല്യശക്തികളുടെ പോരാട്ടം ആയിരുന്നു അരങ്ങേറിയത്. വാശിയേറിയ മത്സരത്തിൽ ചെന്നൈയിൻ എഫ്സി ഒന്നിനെതിരേ രണ്ടു ഗോളുകൾക്ക് ഗോവയെ കീഴടക്കി.
ചെന്നൈയ്ക്ക് വേണ്ടി നായകൻ റാഫേൽ ക്രിവല്ലാരോ ( 5 ) , റഹീം അലി ( 53 ) എന്നിവർ ഗോൾ നേടി. ഗോവക്ക് വേണ്ടി മെൻഡോസ ( 9 ) ഗോൾ നേടി . ക്രിവല്ലാരോ ഹീറോ ഓഫ് ദി മാച്ച് പുരസ്കാരം സ്വന്തമാക്കി. 6 കളികളിൽ നിന്ന് 8 പോയിന്റുമായി എട്ടാം സ്ഥാനത്താണ് ചെന്നൈയിൻ. ഗോവ ഏഴാം സ്ഥാനത്തും.