ന്യുഡല്ഹി: തെക്ക് കിഴക്കന് അറബിക്കടലില് ന്യൂനമര്ദ്ദം രൂപപ്പെട്ടതായി കേന്ദ്ര കാലാവസ്ഥ വകുപ്പ്. ഈ വര്ഷത്തെ ആദ്യ ന്യൂനമര്ദ്ദമാണ് തെക്ക് കിഴക്കന് അറബിക്കടലില് രൂപപ്പെട്ടത്. അടുത്ത 36 മണിക്കൂറിനുള്ളില് ബംഗാള് ഉള്ക്കടലിലും ന്യൂന മര്ദ്ദം രൂപപ്പെടാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അതേസമയം ഈ രണ്ട് ന്യൂനമര്ദ്ദങ്ങളുടെയും സ്വാധീനം കേരളത്തെ കാര്യമായി ബാധിക്കില്ല. എന്നാല് സംസ്ഥാനത്ത് ഇന്നും നാളെയും പരക്കെ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. എന്നാല് ഒരു ജില്ലകളിലും മഴ മുന്നറിയിപ്പ് നല്കിയിട്ടില്ല. കേരള, കര്ണാടക, ലക്ഷദ്വീപ് തീരങ്ങളില് മത്സ്യ ബന്ധനത്തിനും തടസമില്ല.