ഷാര്‍ജ :ഐപിഎൽ മത്സരത്തില്‍ സണ്‍റൈസേഴ്സ് ഹൈദരാബാദിനെ അഞ്ചുറണ്‍സിന് തോല്‍പ്പിച്ച്‌ പഞ്ചാബ് കിംഗ്സ്. ഷാര്‍ജയില്‍ ടോസ് നഷ്ടപ്പെട്ട് ബാറ്റിംഗിനിറങ്ങിയ പഞ്ചാബിന് ഏഴുവിക്കറ്റ് നഷ്ടത്തില്‍ 125 റണ്‍സ് നേടാനായുള്ളൂവെങ്കിലും ആ അവസരവും മുതലെടുത്ത് വിജയിക്കാൻ സണ്‍റൈസേഴ്സിന് കഴിഞ്ഞില്ല. 20 ഓവറില്‍ 120/7 എന്ന സ്കോറിലേ സണ്‍റൈസേഴ്സിന് എത്താനായുള്ളൂ .
കൃത്യമായ ഇടവേളകളില്‍ വിക്കറ്റ് വീഴ്ത്തുകയും അധികം റണ്‍സ് വഴങ്ങാതിരിക്കുകയും ചെയ്താണ് സണ്‍റൈസേഴ്സ് ബൗളര്‍മാര്‍ പഞ്ചാബിനെ പിടിച്ചുകെട്ടിയത്. ഇതേ തന്ത്രംതന്നെ പഞ്ചാബും തിരിച്ചുപ്രയോഗിച്ചു. മൂന്ന് വിക്കറ്റ് വീഴ്ത്തിയ രവി ബിഷ്ണോയ്‌യും ഒരു വിക്കറ്റ് വീഴ്ത്തിയ അര്‍ഷ്ദീപ് സിംഗും ചേര്‍ന്ന് സണ്‍റൈസേഴ്സ് ചേസിംഗിനെ നിയന്ത്രിച്ചു. വാര്‍ണര്‍(2),കേന്‍ വില്യംസണ്‍(1),മനീഷ് പാണ്ഡെ(13),കേദാര്‍ യാദവ് (12) എന്നിവരുടെ പുറത്താകല്‍ സണ്‍റൈസേഴ്സിന് തിരിച്ചടിയായി.വൃദ്ധിമാന്‍ സാഹ (31),ജാസണ്‍ ഹോള്‍ഡര്‍ (47*) എന്നവിരുടെ പോരാട്ടവും ഫലം കണ്ടില്ല.
ഈ സീസണിലെ ഒന്‍പത് മത്സരങ്ങളില്‍ സണ്‍റൈസേഴ്സിന്റെ എട്ടാം തോല്‍വിയാണിത്. ഇതോടെ സണ്‍റൈസേഴ്സ് പ്ളേ ഓഫില്‍ കടക്കാനുള്ള സാദ്ധ്യതകള്‍ തീര്‍ത്തും മങ്ങി.10 മത്സരങ്ങളില്‍ എട്ടുപോയിന്റുമായി പഞ്ചാബ് അഞ്ചാമതാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.