ലിസ്ബണ്‍: അര്‍ജന്റീന ഫുട്‌ബോള്‍ ടീമിനായുള്ള അന്താരാഷ്ട്ര കരിയറിന് ഔദ്യോഗിക വിരാമമിട്ട സൂപ്പര്‍ താരം ലയണല്‍ മെസിക്ക് ആദരവറിയിച്ച് മറ്റൊരു സൂപ്പര്‍ താരം ക്രിസ്റ്റ്യാനോ റൊണാള്‍ഡോ.
മെസിയുടെ വിരമിക്കല്‍ കുറിപ്പിനു താഴെ കമന്റായാണ് റൊണാള്‍ഡോ ആദരവ് രേഖപ്പെടുത്തിയത്. 'ലിയോ, ഇത്രയും വര്‍ഷക്കാലം നിങ്ങളുടെ രാജ്യത്തിനായി പൊരുതി നിങ്ങള്‍ എന്നെന്നും നിലനില്‍ക്കുന്ന ചരിത്രമാണ് സൃഷ്ടിച്ചിരിക്കുന്നത്. അര്‍ജന്റീനയോടൊപ്പം നിങ്ങള്‍ നേടിയ നേട്ടങ്ങള്‍ക്ക് പൂര്‍ണമായ ആദരവ് നല്‍കുന്നു. ഒരു ആലിംഗനം'- റൊണാള്‍ഡോ സാമൂഹ്യ മാധ്യമത്തില്‍ കുറിച്ചു.
ബ്യൂണസ് അയേഴ്‌സിലെ മോനുമെന്റല്‍ സ്റ്റേഡിയത്തില്‍ ബെനിനെതിരെ നടന്ന സൗഹൃദ മത്സരത്തോടെയാണ് മെസി അര്‍ജന്റീന കുപ്പായത്തില്‍ തന്റെ അവസാന മത്സരം കളിച്ചത്. മത്സരത്തില്‍ ഒരു ഗോള്‍ നേടുകയും രണ്ട് ഗോളുകള്‍ക്ക് വഴിയൊരുക്കുകയും ചെയ്ത മെസി, തന്റെ 21 വര്‍ഷത്തോളം നീണ്ട അന്താരാഷ്ട്ര കരിയറിനാണ് വിരാമമിട്ടത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.