ദീപാവലി വിപുലമായ ഒരുക്കങ്ങളുമായി ദുബായ്

ദുബായ്: വെളിച്ചത്തിന്‍റെ ഉത്സവമായ ദീപാവലിയോട് അനുബന്ധിച്ച് ദുബായില്‍ വിപുലമായ പരിപാടികള്‍ നടക്കും. എമിറേറ്റിലുടനീളം ദീപാലങ്കാരങ്ങളും വെടിക്കെട്ടും കലാ സംഗീത പരിപാടികളും നടക്കും. വിപുലമായ കരിമരുന്ന് പ്രയോഗമൊരുക്കിയാണ് ദുബായ് ഫിറ്റ്നെസ് ചലഞ്ചിന് തുടക്കമിട്ടത്. ജുമൈറ ബീച്ച്, ഡിപി വേള്‍ഡ്, തുടങ്ങിയിടങ്ങളിലാണ് ഫിറ്റ് നസ് ചല‌‌ഞ്ച് നടക്കുന്നത്. ദുബായ് ഫെസ്റ്റിവൽസ് ആൻഡ് റീട്ടെയിൽ എസ്റ്റാബ്ലിഷ്‌മെന്‍റാണ് പരിപാടികള്‍ സംഘടിപ്പിക്കുന്നത്. നവംബർ നാലിന് രാത്രി 8.30 ന് ബ്ലൂ വാട്ടേഴ്സിലും കരിമരുന്ന് പ്രയോഗം നടക്കും. രാത്രി 9. 30 ന് ദുബായ് ഫെസ്റ്റിവല്‍ സിറ്റി മാളിലും കരിമരുന്ന് പ്രയോഗമുണ്ടാകും.