ദുബായ്: ദുബായിലെ സർക്കാർ വകുപ്പുകളില്‍ ആക‍ർഷകമായ ശമ്പളത്തില്‍ ജോലി ഒഴിവ്. വിവിധ രാജ്യക്കാർക്ക് ജോലിക്കായി അപേക്ഷ നല്കാം. വിമന്‍ എസ്റ്റാബ്ലിഷ്മെന്‍റ്, പ്രൊഫഷണല്‍ കമ്മ്യൂണിക്കേഷന്‍ കോപറേഷന്‍, ദുബായ് ഹെല്‍ത്ത് അതോറിറ്റി, ഡിപാർട്മെന്‍റ് ഓഫ് ഇസ്ലാമിക് അഫയേഴ്സ് ആന്‍റ് ചാരിറ്റബിള്‍ ആക്ടിവിറ്റീസ്, റോഡ്സ് ആന്‍റ് ട്രാന്‍സ്പോർട് അതോറിറ്റി, ദുബായ് ടൂറിസം, ദുബായ് എയർ നാവിഗേഷന്‍ എന്നിങ്ങനെ വിവിധ വിഭാഗങ്ങളിലാണ് ജോലി ഒഴിവുകള്‍ പ്രഖ്യാപിച്ചിരിക്കുന്നത്. നഴ്സുമാർ, ഡോക്ട‍ർമാർ, ഇമാം, വെല്‍നസ് എക്സിക്യൂട്ടീവ്, ലാബ് ടെക്നീഷ്യന്‍സ്, ഹെല്‍ത്ത് കെയർ കണ്‍സള്‍ട്ടന്‍റ് തുടങ്ങിയവർക്കാണ് ജോലി അവസരമുളളത്. എല്ലാ രാജ്യക്കാർക്കും അപേക്ഷ നല്കാം. 10,000 ദിർഹം മുതല്‍ 50,000 ദിർഹം വരെയാണ് വിവിധ തസ്തികകളില്‍ ശമ്പളം.
അസിസ്റ്റന്‍റ് നഴ്സ്
ദുബായ് ഹെല്‍ത്ത് അതോറിറ്റി
നഴ്സിംഗ് മിഡ് വൈഫെറിയില്‍ 18 മാസത്തെ ഡിപ്ലോമ- 2 വർഷത്തെ ക്ലിനിക്കല്‍ അനുഭവപരിചയം-സാലറി 10,000
സീനിയർ പോഡിയാട്രിസ്റ്റ്
ദുബായ് ഹെല്‍ത്ത് അതോറിറ്റി
ബിരുദം-ഒരു അംഗീകൃത കോളേജിൽ നിന്ന് കുറഞ്ഞത് 3 വർഷത്തെ കോഴ്‌സ് ദൈർഘ്യമുള്ള പോഡിയാട്രിയിൽ ബിരുദം അല്ലെങ്കിൽ ഡിപ്ലോമ അല്ലെങ്കിൽ പോഡിയാട്രിയിൽ എംഎസ്‌സി ബിരുദം അല്ലെങ്കിൽ ഡോക്ടർ ഓഫ് പോഡിയാട്രി. എല്ലാ രാജ്യക്കാർക്കും അപേക്ഷിക്കാം. സാലറി 20,000 ദിർഹം മുതല്‍ 30,000 ദിർഹം വരെ
കണ്‍സള്‍ട്ടന്‍റ് - പീഡിയാട്രിക്
ദുബായ് ഹെല്‍ത്ത് അതോറിറ്റി
അംഗീകൃത അംഗത്വം/ഫെലോഷിപ്പ്/ബോർഡ് അല്ലെങ്കിൽ തത്തുല്യമായ അംഗീകൃത മെഡിക്കൽ സ്കൂളിൽ നിന്നുള്ള ബിരുദം. തിരഞ്ഞെടുത്ത ഉദ്യോഗാർത്ഥിക്ക് മുഴുവൻ സമയ ജോലിക്കായി പ്രതിമാസം 40,000 ദിർഹം മുതൽ 50,000 ദിർഹം വരെ ശമ്പളം ലഭിക്കും. എല്ലാ രാജ്യക്കാർക്കും അപേക്ഷിക്കാം.
വെല്‍നസ് മാനേജർ
ദുബായ് വുമണ്‍ എസ്റ്റാബ്ലിഷ്മന്‍റ്
ബാച്ചിലർ ബിരുദം നേടിയിരിക്കണം-ഫിറ്റ്നസ്, വിനോദം, ആരോഗ്യം എന്നിവയുമായി ബന്ധപ്പെട്ട എല്ലാ പ്രവർത്തനങ്ങളുടെയും മേൽനോട്ടം വഹിക്കുകയെന്നുളളതായിരിക്കും ഉത്തരവാദിത്തം.ക്ലബ്ബിനൊപ്പം നൽകുന്ന ജിംനേഷ്യവും ഫിറ്റ്നസ് സേവനങ്ങളും ഉള്‍പ്പെടുന്നു.എല്ലാ രാജ്യക്കാർക്കും അപേക്ഷിക്കാം.
ഇമാം
ഇസ്ലാമിക് അഫയേഴ്സ് ആന്‍റ് ചാരിറ്റബിള്‍ ആക്ടിവിറ്റീസ്
തജ്‌വീദിന്‍റെയും പാരായണത്തിന്‍റെയും വ്യവസ്ഥകളെ കുറിച്ച് ഉദ്യോഗാർത്ഥിക്ക് നല്ല അറിവുണ്ടായിരിക്കണം. പ്രാർത്ഥന, പുസ്തകങ്ങൾ സൂക്ഷിക്കൽ, മസ്ജിദ് ലൈബ്രറിയുടെ ഖുർആനിക്, ശബ്ദ റെക്കോർഡിംഗുകൾ, മുഅ്‌സിൻ ജോലിയിൽ നിന്ന് പള്ളിയിലെ ജീവനക്കാരുടെ മേൽനോട്ടം, എല്ലാ രാജ്യക്കാർക്കും അപേക്ഷിക്കാം.
സ്പാ മാനേജർ
ദുബായ് വുമണ്‍ എസ്റ്റാബ്ലിഷ്മെന്‍റ് - എല്ലാ രാജ്യക്കാർക്കും അപേക്ഷിക്കാം
ബന്ധപ്പെട്ട മേഖലയിൽ ബിരുദം, വെയിലത്ത് ബ്യൂട്ടി/സ്പാ തെറാപ്പി യോഗ്യത.സ്വീകരണം, അതിഥി സേവനങ്ങൾ, അറ്റകുറ്റപ്പണികൾ, ഹൗസ് കീപ്പിംഗ്, അക്കൗണ്ടിംഗ്, മാർക്കറ്റിംഗ് തുടങ്ങിയ ഉത്തരവാദിത്തം.
ഇതുകൂടാതെ കാത്ത് ലാബ് ടെക്നീഷന്‍ (ദുബായ് ഹെല്‍ത്ത് അതോറിറ്റി), പഴ്സണല്‍ ട്രെയിനർ (ദുബായ് വുമണ്‍ എസ്റ്റാബ്ലിഷ്മെന്‍റ്), സൈക്കോളജിസ്റ്റ് (ദുബായ് ഹെല്‍ത്ത് അതോറിറ്റി), മെഡിക്കല്‍ ലാബറട്ടറി ടെക്നോളജിസ്റ്റ് (ദുബായ് ഹെല്‍ത്ത് അതോറിറ്റി), സ്റ്റാഫ് നഴ്സ് (ദുബായ് ഹെല്‍ത്ത് അതോറിറ്റി), ബിടിഒ പ്രൊജക്ട് മാനേജർ ( ടൂറിസം ആന്‍റ് കൊമേഴ്സ് മാർക്കറ്റിംഗ് വിഭാഗം), ചീഫ് സ്പെഷലിസ്റ്റ് (ആ‍ർടിഎ), എയർ ട്രാഫിക് കണ്‍ട്രോളർ ( ദുബായ് എയർ നാവിഗേഷന്‍ സർവ്വീസസ് ), സ്റ്റെറിലൈസേഷന്‍ ( ദുബായ് ഹെല്‍ത്ത് അതോറിറ്റി) എന്നിവയിലും ഒഴിവുകളുണ്ട്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.