പണ്ടൊക്കെ ബാത്ത്റുമിന്റെ ഇന്റീരിയറിന് അധികം പ്രാധാന്യം ലഭിച്ചിരുന്നില്ല. എന്നാല്‍ ഇന്ന് ഒരു വീട് പണിയുകയാണെങ്കില്‍ അതില്‍ ബാത്ത് റൂം ഡിസൈനിംങ് വരെ നമ്മള്‍ നോക്കുന്നുണ്ട്. പ്രത്യേകിച്ച് ഏത് നിറം നല്‍കണം എന്ന് ചിന്തിക്കുന്നവരും വിരളമല്ല. കാരണം ബാത്ത്റൂമിലെ നിറങ്ങള്‍ക്കും നമ്മളുടെ മനസിനെ സ്വാദീനിക്കുവാന്‍ കഴിവുണ്ട്.
ട്രെന്റിനൊത്ത് കളര്‍ സെലക്ഷനിലും ഒട്ടും ഒത്തുതീര്‍പ്പിന് ആരും തയ്യാറല്ല താനും. ഓരോ കാലത്തെ ട്രെന്റിനൊത്താണ് വീട് ഡിസൈന്‍ ആയാലും ബാത്ത്റൂം കളറായാലും അതിന്റെ സ്ട്രക്ച്ചറെല്ലാം തീരുമാനിക്കുന്നത്. അതുപോലെ ഈ 2022ല്‍ ബാത്ത്റൂമില്‍ അധികം ആളുകള്‍ തിരഞ്ഞെടുക്കാത്ത ഔട്ട്ഓഫ് ഫാഷനായികൊണ്ടിരിക്കുന്ന നിറങ്ങളുണ്ട്. അവ ഏതെല്ലാമെന്ന് നോക്കാം.
മിക്കവരും ഏറ്റവുമധികം ബാത്ത്റൂമില്‍ ഉപയോഗിക്കുന്ന നിറമാണ് തൂവെള്ള. കാരണം വളരെ ലൈറ്റ് കളറാണ് വെള്ള. നമ്മള്‍ കുളിക്കുമ്പോള്‍ അല്ലെങ്കില്‍ വെള്ളം ഉപയോഗിക്കുമ്പോള്‍ ചുമരില്‍ ഇത് വീണ് വേഗം ചെളി പിടിക്കുന്നതിനും നിറം മങ്ങുന്നതിനും അങ്ങിനെ ബാത്ത്റും ഒട്ടും വൃത്തിയില്ലാത്ത ഫീല്‍ നല്‍കുന്നതിനും ഇത് കാരണമാകുന്നുണ്ട്. അതുകൊണ്ടു തന്നെ വെള്ള ബാത്ത്റൂമിനായി തിരഞ്ഞെടുക്കാത്തതാണ് എല്ലായ്പ്പോഴും നല്ലത്. അല്ലാത്തപക്ഷം ബാത്ത്റും വേഗം നശിക്കുന്നതിനും കാരണമാകുന്നു.
പീച്ച് കളര്‍ ബാത്ത്റൂമില്‍ ഉപയോഗിച്ചാല്‍ അവിടെ എനര്‍ജി ലെവല്‍ കുറയുമെന്നാണ് വിദഗ്ദര്‍ പറയുന്നത്. ഒരാള്‍ ഈ ബാത്ത്റൂമില്‍ കയറിയാല്‍ അയാള്‍ക്ക് എത്രയും പെട്ടെന്ന് അവിടെ നിന്നും ഇറങ്ങി ഓടുവാന്‍ തോന്നുന്നത്ര ബുദ്ധിമുട്ട് സൃഷ്ടിക്കും. അതുകൊണ്ട് പീച്ച് കളര്‍ ഉപയോഗിക്കുന്നത് നെഗറ്റീവ് എനര്‍ജി കൂട്ടുന്നതിന് കാരണമാകുന്നു. ഇത് മാനസികാസ്വസ്ഥത ഉണ്ടാക്കുന്നതിനും സമാധാനം കുറയുന്നതിനും കാരണമാകുന്നുവെന്നും പറയുന്നു.
പലരും ഒരു സ്റ്റാന്‍ഡേര്‍ഡ് ലുക്ക് കിട്ടുവാനായി പലപ്പോഴും ബാത്ത്റൂമിന്റെ ഇന്റീരിയറില്‍ ഉപയോഗിച്ചു വരുന്ന നിറമാണ് കറുപ്പ്. കറുപ്പും വെള്ളയും ഉപയോഗിക്കുന്നതും ഒരിടയ്ക്ക് ട്രെന്റിംഗ് ആയിരുന്നു. എന്നാല്‍ ഇവിടെയും വിദഗ്ദറുടെ അഭിപ്രായം മറിച്ചാണ്. കറുപ്പ് ഉപയോഗിച്ചാല്‍ ബാത്ത്റൂമില്‍ പ്രകാശം കുറവായിരിക്കും എന്നാണ്. പ്രത്യേകിച്ച് അധികം വിസ്തൃതിയില്ലാത്ത സ്ഥലത്ത്. ബ്ലാക്ക് പ്രകാശത്തെ വലിച്ചെടുക്കുന്നതിനാല്‍ നമുക്ക് പ്രോപറായി കാണുവാനോ, റിഫ്രഷിംഗ് ഫീലോ ലഭിക്കുകയില്ല. ഇത് ഒരുതരത്തില്‍ ശ്വസം മുട്ടിക്കുന്ന പ്രതീതിയുണ്ടാക്കുന്നു.
കറുപ്പ് പോലെ തന്നെ ഇന്ന് പൊതുവില്‍ ഉപയോഗിച്ചു വരുന്ന നിറമാണ് പച്ച. ഒട്ടും പോസറ്റീവ് എനര്‍ജി നിറയ്ക്കാത്ത നിറമായാണ് പച്ചയെ കാണുന്നത്. പ്രത്യേകിച്ച് ബാത്ത്റൂമില്‍ ഉപയോഗിക്കുമ്പോള്‍. ഇത് നെഗറ്റീവ് എനര്‍ജി നിറയ്ക്കുന്നതിനും നമ്മളുടെ മനസില്‍ അസ്വസ്ഥതകള്‍ ഉണ്ടാക്കുന്നതിനും ഇടയാക്കുന്നു. അതുകൊണ്ട് പൂര്‍ണ്ണമായും പച്ച ബാത്ത്റൂമില്‍ ഉപയോഗിക്കുന്നത് നല്ലതല്ല.
ഒരു ഭംഗിക്ക് ചുവപ്പും വെള്ളയും ചുവപ്പും കറുപ്പും കലര്‍ന്ന വ്യത്യസ്തമായ ഇന്റീരിയറുകള്‍ ബാത്ത്റുമിന് നല്‍കുവാന്‍ പലരും ശ്രമിക്കാറുണ്ട്. എന്നാല്‍ ചുവപ്പ് ഒരിക്കലും ഉപയോഗിക്കരുത് എന്നാണ് പറയുന്നത്. ബാത്ത്റൂം നമ്മള്‍ റിലാക്സ് ചെയ്യുവാനുള്ള ഒരു സ്പേയ്സായാണ് കരുതുന്നതെങ്കില്‍ ഈ കളര്‍ ഉപയോഗിക്കുന്നതിലൂടെ ചിന്തകളില്‍ പല വ്യത്യാസം ഉണ്ടാകുന്നതിനും മനസ് അസ്വസ്ഥമാകുന്നതിനും കാരണമാകുന്നു. പ്രത്യേകിച്ച് കുട്ടികളുടെ ബാത്ത്റുമില്‍ ഇത് ഉപയോഗിക്കുന്നത് ഒട്ടും നല്ലതല്ലെന്നാണ് അഭിപ്രായം.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26