കൊച്ചി: കഴിഞ്ഞ സീസണില്‍ കേരള ബ്ലാസ്റ്റേഴ്‌സിനെ ഫൈനല്‍ വരെയെത്തിക്കുന്നതില്‍ നിര്‍ണായക പങ്ക് വഹിച്ച അര്‍ജന്റൈന്‍ സ്‌ട്രൈക്കര്‍ ജോര്‍ഗെ പെരേര ഡയസ് ടീം വിട്ടു. ലോണില്‍ കഴിഞ്ഞ തവണ ടീമില്‍ കളിച്ച ഡയസ് ഇത്തവണ ബ്ലാസ്‌റ്റേഴ്‌സിലേക്ക് വരുമെന്ന് പ്രതീക്ഷിച്ചിരുന്നെങ്കിലും അതുണ്ടായില്ല.
ഡയസ് ഇനി ക്ലബിലേക്ക് തിരികെ വരില്ല എന്ന് ബ്ലാസ്റ്റേഴ്‌സ് അറിയിച്ചു. താരത്തിനോട് യാത്ര പറയുന്നതായി കേരള ബ്ലാസ്റ്റേഴ്‌സ് സാമൂഹിക മാധ്യമങ്ങളില്‍ കുറിച്ചു. ഡയസ് ഗള്‍ഫില്‍ നിന്നുള്ള ഓഫര്‍ സ്വീകരിച്ച് അങ്ങോട്ട് പോകും എന്നാണ് വിവരങ്ങള്‍.
കേരള ബ്ലാസ്റ്റേഴ്‌സില്‍ ലോണ്‍ അടിസ്ഥാനത്തില്‍ ആയിരുന്നു ഡയസ് കഴിഞ്ഞ സീസണില്‍ കളിച്ചിരുന്നത്. ലോണ്‍ കാലാവധി കഴിഞ്ഞതോടെ താരം അര്‍ജന്റീനന്‍ ക്ലബായ പ്ലാറ്റന്‍സിലേക്ക് തിരികെ പോയിരുന്നു. പ്ലാറ്റന്‍സിലെ കരാര്‍ അവസാനിപ്പിച്ചാണ് ഡയസ് തിരികെ ഇന്ത്യയിലേക്ക് വരാന്‍ നോക്കിയത്.
ഈ കഴിഞ്ഞ സീസണില്‍ കേരള ബ്ലാസ്റ്റേഴ്‌സിനായി എട്ട് ഗോളുകളും ഒരു അസിസ്റ്റും സംഭാവന ചെയ്യാന്‍ ഡിയസിനായിരുന്നു. മുന്നേറ്റത്തില്‍ ആല്‍വാരോ വാസ്‌കസും നേരത്തെ ടീം വിട്ടിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.