ദുബായ്: ഏറെ പ്രതീക്ഷയോടെ കാത്തിരിക്കുന്ന മൂന്ന് ദിവസത്തെ സൂപ്പർ സെയിലിന് നാളെ തുടക്കമാകുമെന്ന് ദുബായ് ഫെസ്റ്റിവല്‍ ആന്‍റ് റീടെയ്ല്‍ എസ്റ്റാബ്ലിഷ്മെന്‍റ് അറിയിച്ചു. നാളെ (നവംബർ 25) മുതല്‍ നവംബർ 27 വരെ എമിറേറ്റിലുടനീളമുളള ഷോപ്പിംഗ് കേന്ദ്രങ്ങളില്‍ അവിശ്വസനീയമായ വിലക്കിഴിവാണ് പ്രഖ്യാപിച്ചിട്ടുളളത്.
ഫാഷന്‍, വസ്ത്രങ്ങള്‍, സൗന്ദര്യവർദ്ധക വസ്തുക്കള്‍ എന്നിവയ്ക്ക് 90 ശതമാനം വിലക്കിഴിവ് കൂടാതെ അടുക്കള ഉപകരണങ്ങള്‍, കുട്ടികളുടെ ഉല്‍പന്നങ്ങള്‍, ഇലക്ട്രോണിക്സ് എന്നിവയ്ക്കും വന്‍ വിലക്കുറവാണ് നല്കുന്നത്.ദുബായ് ഫെസ്റ്റിവൽ സിറ്റി മാളിൽ, നവംബർ 25 മുതൽ നവംബർ 27 വരെ 300 ദിർഹമോ അതിൽ കൂടുതലോ ചെലവഴിക്കുന്ന ഷോപ്പർമാർക്ക് 30,000 ദിർഹം വിലമതിക്കുന്ന ഒരു സമ്മാന കാർഡ് നേടാനുള്ള അവസരമുണ്ട്.
നവംബർ 25 വെള്ളിയാഴ്ച മുതൽ, ഫെസ്റ്റിവൽ പ്ലാസയിലെ ഷോപ്പർമാർക്ക് ഒരു വർഷത്തേക്ക് സാധുതയുള്ള ഗിഫ്റ്റ് കാർഡുകളിൽ 50 ശതമാനം ക്യാഷ്ബാക്ക് ലഭിക്കാനുള്ള അവസരം ലഭിക്കും. മാൾ ഓഫ് ദി എമിറേറ്റ്സ്, സിറ്റി സെന്‍റർ ദെയ്‌റ, സിറ്റി സെന്‍റർ മിർദിഫ്, ദുബായ് ഹിൽസ് മാൾ, ദുബായ് മറീന മാൾ, ദുബായ് മാൾ, മെർക്കാറ്റോ, ടൗൺ സെന്‍റർ ജുമൈറ, ദി പോയിന്‍റ്, ഇബ്ൻ ബത്തൂത്ത മാൾ, സർക്കിൾ മാൾ എന്നിവിടങ്ങളില്‍ നിന്നെല്ലാം സൂപ്പർ സെയിലിന്‍റെ ഭാഗമാകാം.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.