ദോഹ: ഖത്തറിന് പുതിയ പ്രധാനമന്ത്രിയെ പ്രഖ്യാപിച്ച് അമീർ ഷെയ്ഖ് തമീം ബിന് ഹമദ് അല് താനി. ഖത്തർ വിദേശ കാര്യമന്ത്രിയും ഉപ പ്രധാനമന്ത്രിയുമായ ഷെയ്ഖ് മുഹമ്മദ് ബിന് അബ്ദുള്റഹ്മാന് അല് താനിയാണ് പുതിയ പ്രധാനമന്ത്രി. അമിരി ദിവാനിൽ വച്ച് നടന്ന ചടങ്ങിൽ അമീറിനു മുമ്പാകെ അദ്ദേഹം പുതിയ പ്രധാനമന്ത്രിയായി സത്യപ്രതിജ്ഞ ചെയ്ത് സ്ഥാനമേറ്റു. ഡെപ്യൂട്ടി അമീർ ശൈഖ് അബ്ദുല്ല ബിൻ ഹമദ് ആൽഥാനിയും ചടങ്ങിൽ സാക്ഷ്യം വഹിച്ചു.
നിലവിലെ പ്രധാനമന്ത്രിയായിരുന്ന ഷെയ്ഖ് ഖാലിദ് ബിന് ഖലീഫ ബിന് അബ്ദുള് അസീസ് അല് താനിയുടെ രാജി ഖത്തർ അമീർ സ്വീകരിച്ചതിന് ശേഷമാണ് പുതിയ പ്രധാനമന്ത്രിയെ പ്രഖ്യാപിച്ചത്.2020 ജനുവരി 28 നായിരുന്നു ശൈഖ് ഖാലിദ് ബിൻ ഖലീഫ ബിൻ അബ്ദുൽ അസീസ് ആൽഥാനി ഖത്തറിന്റെ പ്രധാനമന്ത്രിയായി ചുമതലയേറ്റത്. ആഭ്യന്തര മന്ത്രിയായും അദ്ദേഹം സേവനമനുഷ്ഠിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26