ദുബായ്: പുതുവർഷാഘോഷം പ്രമാണിച്ച് പൊതുഗതാഗത സംവിധാനങ്ങളിലും റോഡുമാർഗങ്ങളിലുമുളള മാറ്റങ്ങള്‍ വ്യക്തമാക്കി ദുബായ് റോഡ്സ് ആന്റ് ട്രാന്‍സ്പോർട് അതോറിറ്റി. ദുബായ് ഡൗണ്‍ ടൗണിലേക്കുളള പ്രധാന റോഡുകളെല്ലാം വൈകിട്ട് നാലുമണിയോടെ അടയ്ക്കും. ദുബായ് മെട്രോ ബുർജ് ഖലീഫ സ്റ്റേഷന്‍ ഇന്ന് അഞ്ച് മണിയോടെ അടയ്ക്കും. അല്‍ അസായല്‍ റോഡിലൂടെ നാല് മണിക്ക് ശേഷം ബസുകള്‍ക്കും അത്യാവശ്യവാഹനങ്ങള്‍ക്കും മാത്രമാണ് സഞ്ചാരം അനുവദിക്കുക. മുഹമ്മദ് ബിന്‍ റാഷിജ് ബുലേവാ‍ർഡ് നാല് മണിക്ക് ശേഷം അടയ്ക്കുമെന്നും ആ‍ർടിഎ അറിയിച്ചിട്ടുണ്ട്.
എമ്മാർ ഭാഗത്തും മറ്റുമായി 16700 പാർക്കിംഗ് സ്ലോട്ടുകള്‍ സജ്ജമാക്കിയിട്ടുണ്ട്. പുതുവർഷത്തോട് അനുബന്ധിച്ച് ബസുകള്‍ സർവ്വീസ് നടത്തും. 200 ഓളം ബസുകള്‍ സൗജന്യമായി മെട്രോ സ്റ്റേഷനുകളില്‍ നിന്നും സന്ദർശകർക്ക് യാത്രാസൗകര്യമൊരുക്കും. ഡൗണ്‍ ടൗണിലെ പുതുവത്സര ആഘോഷത്തോടനുബന്ധിച്ച് നടക്കുന്ന പരിപാടികൾ കാണാൻ യുബൈ എമ്മാർ ആപ്പില്‍ രജിസ്ട്ര‍ർ ചെയ്തവർക്കാണ് പ്രവേശനം അനുവദിക്കുക.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.