ദുബായ്: ഇന്ത്യന്‍ ഓള്‍റൗണ്ടര്‍ രവീന്ദ്ര ജഡേജ വിരമിച്ചേക്കുമെന്ന് സൂചന. ചാമ്പ്യന്‍സ് ട്രോഫി ടൂര്‍ണമെന്റിന് പിന്നാലെ വിരമിച്ചേത്തുമെന്നാണ് റിപ്പോര്‍ട്ട്. ഫൈനലില്‍ ന്യൂസീലന്‍ഡിനെതിരേ പത്തോവറില്‍ 30 റണ്‍സ് മാത്രം വിട്ടുനല്‍കി ജഡേജ ഒരു വിക്കറ്റ് നേടിയിരുന്നു. പ്രകടനത്തിന് പിന്നാലെ വിരാട് കോലി ജഡേജയെ ആലിംഗനം ചെയ്തതാണ് അഭ്യൂഹങ്ങള്‍ക്കിടയാക്കിയിരിക്കുന്നത്.
ജഡേജയുടെ പത്ത് ഓവറും പിന്നിട്ട ശേഷമായിരുന്നു പരസ്പര ആശ്ലേഷണം. ചാമ്പ്യന്‍സ് ട്രോഫി സെമി ഫൈനലിന് പിന്നാലെ കോഹ്‌ലി സ്റ്റീവ് സ്മിത്തിനെ ആലിംഗനം ചെയ്തിരുന്നു. കൈ കൊടുത്ത് പരസ്പരം ആലിംഗനം ചെയ്തതിന് ശേഷം ഇരുവരും സംസാരിക്കുകയും ചെയ്തിരുന്നു. അതിന് ശേഷം പിറ്റേന്ന് രാവിലെ സ്മിത്ത് ഏകദിനത്തില്‍ നിന്ന് വിരമിക്കല്‍ പ്രഖ്യാപിച്ചു.
മുന്‍പ് ഗാബയില്‍ നടന്ന ബോര്‍ഡര്‍-ഗാവസ്‌കര്‍ ട്രോഫി മൂന്നാം ടെസ്റ്റിനിടെ കോഹ്‌ലി അശ്വിനുമായി സംസാരിച്ച ശേഷം ആലിംഗനം ചെയ്തിരുന്നു. മണിക്കൂറുകള്‍ക്ക് ശേഷം അശ്വിന്‍ ക്രിക്കറ്റിന്റെ എല്ലാ ഫോര്‍മാറ്റില്‍ നിന്നും വിരമിക്കുന്നതായി പ്രഖ്യാപിച്ചിരുന്നു. ഇതാണ് ജഡേജയും വിരമിക്കുന്നു എന്നഅഭ്യൂഹങ്ങള്‍ക്ക് കാരണം.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.