ന്യൂഡല്ഹി: അമേരിക്കന് ഡോളറിനെതിരെ രൂപയുടെ മൂല്യത്തില് കനത്ത ഇടിവ്. പശ്ചമേഷ്യയിലെ സംഘര്ഷ സാഹചര്യങ്ങളില് രൂപ സമീപ കാലത്തെ റെക്കോര്ഡ് താഴ്ച്ചയിലെത്തി. ഡോളറിനെതിരെ 93.08 രൂപയിലേക്കാണ് കൂപ്പുകുത്തിയത്. വ്യാപാര ചരിത്രത്തിലെ ഏറ്റവും ദുര്ബലമായ നിരക്കാണിത്.
ഇന്ത്യയുടെ ശക്തമായ ജിഡിപി വളര്ച്ചയുടെ പശ്ചാത്തലത്തിലാണ് ഈ മൂല്യത്തകര്ച്ച. പശ്ചിമേഷ്യന് സംഘര്ഷവും ഇതിനെ തുടര്ന്ന് എണ്ണ വിലയിലുണ്ടാകുന്ന മാറ്റങ്ങളും ഡോളര് ശക്തിയാര്ജിച്ചതുമാണ് രൂപയെ സ്വാധീനിക്കുന്നത്. കൂടാതെ ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് 65 ആയിരുന്നത് ഇപ്പോള് 100 ഡോളറിന് മുകളിലാണ്.
കടലില് കുടുങ്ങിക്കിടക്കുന്ന ഇറാനിയന് എണ്ണയ്ക്ക് മേലുള്ള ഉപരോധം ഉടന് നീക്കുമെന്ന് ട്രംപ് പറഞ്ഞതിന് പിന്നാലെ ഇന്ന് രാവിലെയോടെ ക്രൂഡ് ഓയില് വിലയില് കുറവുണ്ടായിട്ടുണ്ട്.
രാവിലെ പത്തിന് ബ്രെന്റ് ഓയില് 1.53 ശതമാനം കുറഞ്ഞ് 106.99 ഡോളറിലും, ഡബ്ല്യുടിഐ (വെസ്റ്റ് ടെക്സസ് ഇന്റര്മീഡിയറ്റ്) ക്രൂഡ് ഓയില് 2.02 ശതമാനം കുറഞ്ഞ് 93.62 ഡോളറിലുമാണ് വ്യാപാരം നടന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.