കൊച്ചി: ഉത്ര വധക്കേസില് പ്രതി സൂരജിന്റെ ജാമ്യാപേക്ഷ ഹൈക്കോടതി തള്ളി. വിചാരണയ്ക്ക് മുന്നോടിയായി ജയിലിന് പുറത്ത് മൂന്നു ദിവസം അഭിഭാഷകനുമായില് ചര്ച്ച നടത്താന് അവസരം നല്കണം എന്നും കോടതി പറഞ്ഞു.
നവംബര് 13 മുതല് മൂന്നു ദിവസത്തേയ്ക്കാണ് അനുമതി. ഓരോ ദിവസവും അഭിഭാഷകനുമായി ചര്ച്ച നടത്തിയ ശേഷം ജയിലിലേക്ക് കൊണ്ടുപോകണം. കഴിഞ്ഞ ഓഗസ്റ്റ് പതിനാലിനാണ് അന്വേഷണ സംഘം കുറ്റപത്രം സമര്പ്പിച്ചത്. കേസില് സൂരജ് മാത്രമാണ് പ്രതി.
ഏപ്രില് രണ്ടിന് അടൂരിലെ വീട്ടില് വച്ച് സൂരജ് ഉത്രയെ അണലിയെ കൊണ്ട് കടിപ്പിച്ചു. ജീവൻ തിരിച്ചു കിട്ടിയ ഉത്ര തുടര്ന്ന് ചികിത്സയില് ആയിരിക്കുമ്പോൾ മെയ് ആറിന് രാത്രിയില് വീണ്ടും മൂര്ഖനെ ഉപയോഗിച്ച് കടിപ്പിച്ച് കൊലപ്പെടുത്തുകയായിരുന്നു.