കൊച്ചി: പ്രശസ്ത ദൈവശാസ്ത്ര പണ്ഡിതനും പൗരസ്ത്യ കാനന്‍ നിയമ വിദഗ്ധനുമായ റവ. ഡോ. ജോര്‍ജ് നെടുങ്ങാട്ട് എസ്ജെ (89) അന്തരിച്ചു. സംസ്‌കാരം നാളെ പത്തിന് കോഴിക്കോട് മലാപ്പറമ്പിലുള്ള ക്രൈസ്റ്റ് ഹാള്‍ സെമിത്തേരിയില്‍.
എറണാകുളം ജില്ലയിലെ മൂവാറ്റുപുഴയ്ക്കടുത്ത് പെരിങ്ങഴയില്‍ ഐപ്പ്-മറിയം ദമ്പതികളുടെ മകനായി 1932 ഡിസംബര്‍ 21നായിരുന്നു ജനനം. 1964 മാര്‍ച്ച് 19നു വൈദിക പട്ടം സ്വീകരിച്ചു.
വിശുദ്ധരായ അല്‍ഫോന്‍സാമ്മ, മറിയം ത്രേസ്യ, ദേവസഹായം പിള്ള, എവുപ്രാസ്യാമ്മ തുടങ്ങി അനേകരുടെ വിശുദ്ധപദവിയിലേക്കുള്ള വഴിത്താരയില്‍ പ്രധാന ഉപദേശകനും അപ്പസ്തോലിക ട്രൈബ്യൂണലിന്‍റെ അധ്യക്ഷനായും സേവനമനുഷ്ഠിച്ചിട്ടുണ്ട്.