ന്യൂഡല്‍ഹി: പാകിസ്ഥാനുമായി സംഘര്‍ഷം നിലനില്‍ക്കെ ഇന്ത്യ സലാല്‍ അണക്കെട്ട് തുറന്നത് പാകിസ്ഥാന് കനത്ത തിരിച്ചടിയായി. കനത്ത മഴയെ തുടര്‍ന്നാണ് ഡാമിന്റെ ഷട്ടറുകള്‍ തുറന്നതെന്ന് ബന്ധപ്പെട്ട വൃത്തങ്ങളെ ഉദ്ധരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.
ചെനാബ് നദിയിലെ സലാല്‍ ഡാം തുറന്നതോടെ പാകിസ്ഥാനില്‍ പ്രളയ സാധ്യത ഉടലെടുത്തിരിക്കുകയാണ്. അണക്കെട്ടിന്റെ മൂന്ന് ഷട്ടറുകളാണ് തുറന്നിരിക്കുന്നത്. പാകിസ്ഥാനില്‍ ചെനാബ് നദിയോട് ചേര്‍ന്നുള്ള പ്രദേശങ്ങളില്‍ താമസിക്കുന്നവരെയും കൃഷിയിടങ്ങളെയും ഇത് പ്രതികൂലമായി ബാധിക്കും.