ന്യൂഡല്‍ഹി: ജിമ്മില്‍ വ്യായാമം ചെയ്യുന്നതിനിടെ 35 കാരന് കുഴഞ്ഞുവീണ് മരിച്ചു. ഡല്‍ഹിയിലെ ഫരീദാബാദില്‍ താമസിക്കുന്ന പങ്കജ് ആണ് മരിച്ചത്. ചൊവ്വാഴ്ച രാവിലെ 10:20 നാണ് സംഭവം. ബിസിനസുകാരനായ പങ്കജ് പതിവ് വ്യായാമത്തിനിടെ കുഴഞ്ഞു വീഴുകയായിരുന്നു. വ്യായാമം ആരംഭിച്ച് ഏതാനും നിമിഷങ്ങള്‍ക്ക് ശേഷം അദേഹം ബോധരഹിതനാവുകയായിരുന്നു.
പങ്കജിന് അമിത വണ്ണമുണ്ടായിരുന്നു. അതിനാല്‍ ആശുപത്രിയിലേക്ക് കൊണ്ടുപോകാന്‍ ബുദ്ധിമുട്ട് നേരിട്ടിരുന്നു. ഒടുവില്‍ സമീപത്തുള്ള സ്വകാര്യ ആശുപത്രിയിലെ ഡോക്ടര്‍മാരെ ജിമ്മില്‍ എത്തിക്കുകയായിരുന്നു.
ഹൃദയാഘാതമാണ് മരണകാരണമെന്നാണ് പൊലീസിന്റെ പ്രാഥമിക നിഗമനം. മൃതദേഹം പോസ്റ്റുമാര്‍ട്ടത്തിന് ശേഷം ബന്ധുക്കള്‍ക്ക് കൈമാറി.