അഡലെയ്‌ഡ്: തലച്ചോറിലുണ്ടായ അസുഖത്തെ തുടർന്ന് മരണപ്പെട്ട ഏഴ് വയസുകാരി എലെയ്ൻ മരിയ ജോബിയുടെ സംസ്കാരം സെപ്റ്റംബർ പത്തിന് സെന്റ് മേരീസ് സീറോ-മലബാർ ദേവാലയത്തിൽ. രാവിലെ 9.30 മുതൽ പൊതു ദർശനം ഉണ്ടായിരിക്കും. തുടർന്ന് 10.30ന് വിശുദ്ധ കുർബാനയും സംസ്കാര ശുശ്രൂഷകളും. ഉച്ചയ്ക്ക് 12.45 സെന്റിനിയൽ പാർക്ക് സെമിത്തേരിയിൽ മൃതദേഹം സംസ്കരിക്കും.
ഓസ്ട്രേലിയയിൽ കുടുംബസമേതം കഴിയുന്ന അങ്കമാലി സ്വദേശി കുന്നപ്പിള്ളി ജോബിയുടെ മകൾ എലൈൻ മരിയ ആണ് അകാലത്തിൽ മരിച്ചത്. നാല് മാസത്തോളമായി ചികിത്സയിലായിരുന്നു. കോന്നി പുത്തൻപുരയ്‌ക്കൽ ജോൺ മകൾ ലിന്റ മറിയമാണ് മാതാവ്. ഓസ്ട്രേലിയ അഡലെയ്‌ഡ് സ്കൂൾ വിദ്യാർത്ഥി ജുവാൻ ജോബി ജേഷ്ഠ സഹോദരനാണ്. ഇതേ വിദ്യാലയത്തിലെ ഒന്നാം ക്ലാസുകാരിയാണ് എലൈൻ മരിയ.