ഇംഫാല്: മണിപ്പൂരില് അസം റൈഫിള്സ് ട്രക്കിന് നേരെ ആക്രമണം. ഒരു സംഘം തോക്ക് ധാരികളാണ് ഒളിഞ്ഞിരുന്ന് ആക്രമണം നടത്തിയത്. ആക്രമണത്തില് രണ്ട് ജവാന്മാര് വീരമൃത്യു വരിച്ചു. നാല് പേര്ക്ക് പരിക്കേറ്റു. പരിക്കേറ്റവരെ അടുത്തുള്ള ആശുപത്രിയില് പ്രവേശിപ്പിച്ചു.
ഇംഫാലില് നിന്ന് ബിഷ്ണുപൂരിലേക്ക് പോവുകയായിരുന്ന അര്ധസൈനിക വിഭാഗത്തിന്റെ വാഹനത്തിന് നേരെയാണ് അജ്ഞാതരായ തോക്ക് ധാരികള് വെടിയുതിര്ത്തത്. ആക്രമണം നടന്നത് ഇംഫാലിന്റെയും ചുരാചന്ദ്പൂരിന്റെയും മധ്യഭാഗത്താണ്. കൂടുതല് വിവരങ്ങള് അറിവായിട്ടില്ല.