എന്ഡിഎ - 198, ഇന്ത്യ സഖ്യം - 40.
പട്ന: ബിഹാര് നിയമസഭ തിരഞ്ഞെടുപ്പിന്റെ വോട്ടെണ്ണല് പുരോഗമിക്കുമ്പോള് ലീഡ് നിലയില് ഇരുനൂറിലേക്ക് അടുത്ത് എന്ഡിഎ. ആകെയുള്ള 243 ല് 198 സീറ്റുകളിലാണ് എന്ഡിഎ മുന്നേറ്റം. ഇന്ത്യ സഖ്യം 40 സീറ്റുകളില് മാത്രമാണ് ലീഡ് ചെയ്യുന്നത്.
ബിജെപി - 89, ജെഡിയു - 78, എല്ജെപി - 22 എന്നിങ്ങനെയാണ് എന്ഡിഎ കുതിക്കുന്നത് ഇന്ത്യ സഖ്യത്തില് ആര്ജെഡി 30 സീറ്റുകളില് ലീഡ് ചെയ്യുന്നു. കോണ്ഗ്രസ് വെറും നാല് സീറ്റുകളില് മാത്രമാണ് മുന്നിലുള്ളത്.
ഇടത് പാര്ട്ടികളായ സിപിഐ, സിപിഐ എംഎല് അഞ്ച് സീറ്റില് ലീഡ് ചെയ്യുന്നുണ്ട്. വോട്ടെണ്ണലിന്റെ തുടക്കം മുതല് മുന്നിലെത്തിയ എന്ഡിഎ ക്രമേണ ലീഡ് നില വര്ധിപ്പിക്കുകയായിരുന്നു.
കറുത്ത കുതിരകളായേക്കുമെന്ന് പ്രതീക്ഷിക്കപ്പെട്ടിരുന്ന പ്രശാന്ത് കിഷോറിന്റെ ജന്സുരാജ് പാര്ട്ടിക്ക് കാര്യമായ ചലനങ്ങള് ഉണ്ടാക്കാനായില്ല. 243 സീറ്റുകളുള്ള ബിഹാര് നിയമസഭയില് കേവല ഭൂരിപക്ഷത്തിന് 122 സീറ്റുകളാണ് വേണ്ടത്. 2020 ല് ബിഹാര് നിയമസഭയില് എന്ഡിഎയ്ക്ക് 122 സീറ്റുകളും ഇന്ത്യ സഖ്യത്തിന് 114 സീറ്റുകളും ഉണ്ടായിരുന്നു.