അജ്മാന്‍: ദിവസേന 10,000 പേർക്ക് കോവിഡ് അനുബന്ധ സേവനങ്ങള്‍ ലഭ്യമാകുന്ന കേന്ദ്രം അജ്മാനില്‍ തുറന്നു. അല്‍ സവ്റ റൗണ്ട് എബൗട്ടിന് എതിർവശത്ത് ഫെസ്റ്റിവല്‍ ലാന്‍റിലാണ് കോവിഡ് സെന്‍റർ തുറന്നത്. കോവിഡ് വാക്സിനേഷന്‍,പിസിആർ, ഡിപിഐ സേവനങ്ങള്‍ ഇവിടെ ലഭ്യമാകും. അജ്മാനിലെ ഇന്‍ഡ്രസ്ട്രിയല്‍ ഏരിയയിലെ സാധാരണ തൊഴിലാളികള്‍ക്കായും അജ്മാനിലെയും വടക്കന്‍ എമിറേറ്റിലെയും താമസക്കാർക്കുമായാണ് കേന്ദ്രം തുറന്നിരിക്കുന്നതെന്ന് തമൂഹ ഹെല്‍ത്ത് കെയർ കമ്പനി എക്സ്ടേണല്‍ സൈറ്റ്സ് ഡയറക്ടർ മുബാറക് സെയ്ഫ് അല്‍ കെത്ബി പറഞ്ഞു. കോവിസ് വാക്സിനേഷന്‍ സൗജന്യമായിരിക്കും. ഡിപിഐ ടെസ്റ്റിന് 50 ദിർഹവും പിസിആർ ടെസ്റ്റിന് 75 ദിർഹവുമാണ് നിരക്ക്. 70 ലധികം നഴ്സുമാരുടെ സേവനം കേന്ദ്രത്തില്‍ ലഭ്യമാണ്. ഡിപിഐ പരിശോധനാഫലം 3 മിനിറ്റിലും പിസിആർ പരിശോധനാഫലം 24 മണിക്കൂറിനുളളിലും ലഭ്യമാകും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.