ഫലാജ് അല്‍ മുല്ലയില്‍ നേരിയ ഭൂചലനം

ദുബായ്: യുഎഇയിലെ ഫലാജ് അല്‍ മുല്ലയില്‍ 2.3 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു. ചൊവ്വാഴ്ച രാവിലെ 3.21 ഓടെയാണ് ചലനമനുഭവപ്പെട്ടതെന്ന് ദേശീയ കാലാവസ്ഥ നിരീക്ഷണകേന്ദ്രം അറിയിച്ചു. ഇതിന്‍റെ പ്രകമ്പനമോ തുടർ ചലനമോ രാജ്യത്ത് വേറെ എവിടെയും അനുഭവപ്പെട്ടില്ലെന്നും കാലാവസ്ഥ നിരീക്ഷണകേന്ദ്രം അറിയിച്ചു.

കഴിഞ്ഞമാസം ഷാ‍ർജയിലെ അല്‍ ഫയ, ഫുജൈറയിലെ ദിബ്ബ എന്നിവിടങ്ങളിലും നേരിയ ഭൂചലനം അനുഭവപ്പെട്ടിരുന്നു.