ദുബൈ: യുഎഇയുടെ വളര്‍ച്ചയിലും പുരോഗതിയിലും ഇന്ത്യക്കാരുടെ, വിശേഷിച്ചും മലയാളി ബിസിനസ് സമൂഹത്തിന്റെ പങ്ക് മഹത്തരമാണെന്ന് ദുബായ് ഇന്റർഗ്രേറ്റഡ് ഇക്കണോമിക് സോൺസ് അതോറിറ്റിയുടെ ബിസിനസ് ആൻഡ് കമ്മ്യൂണിറ്റി ഡെവലപ്മെന്റ് മേധാവി ഖാലിദ് അബ്ദുല്‍ റഹീം അല്‍ശൈബാനി.
ഇന്റര്‍നാഷണല്‍ ബിസിനസ് പ്രമോട്ടേഴ്‌സ് അസോസിയേഷന്റെ (ഐപിഎ) ആഭിമുഖ്യത്തില്‍ കേരള സ്റ്റാര്‍ട്ടപ് മിഷന്‍, മലയാളി ബിസിനസ് ഡോട്‌കോം എന്നിവയുടെ സഹകരണത്തില്‍ ദുബൈ ഫെസ്റ്റിവല്‍ സിറ്റി ഇന്റര്‍കോണ്‍ടിനെന്റല്‍ ഹോട്ടലില്‍ സംഘടിപ്പിച്ച 'ഇഗ്നൈറ്റ് 2022' ടെക് ഇന്‍വെസ്റ്റ്‌മെന്റിലെ പൊതുസമ്മേളനം ' ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സാമ്പത്തിക വളര്‍ച്ചയുടെ ഭാവി ഘട്ടത്തില്‍ അവഗണിക്കാനാവാത്ത മേഖലയായി സ്റ്റാര്‍ട്ടപ് ഇക്കോ സിസ്റ്റത്തെ കണ്ടെത്തിയിട്ടുണ്ട്. സ്റ്റാര്‍ട്ടപ്പുകളെ പിന്തുണക്കുകയെന്നത് യുഎഇ സ്ട്രാറ്റജിയാണ്. ആയിരക്കണക്കിന് സ്റ്റാര്‍ട്ടപ്പുകളെ ദുബൈ പിന്തുണക്കുന്നുണ്ട്. ഈ ദിശയിലുള്ള നിങ്ങളുടെ പരിശ്രമങ്ങള്‍ വിജയിക്കട്ടെയെന്ന് അദ്ദേഹം ആശംസിച്ചു
ഞായറാഴ്ച രാവിലെ 11 മണിക്ക് തുടങ്ങിയ ഇഗ്നൈറ്റ് ബിസിനസ് എക്സിബിഷനോടുകൂടിയാണ് തുടക്കം കുറിച്ചത്.
ഏറെ ശ്രദ്ധേയമായ പ്രദർശനത്തിന്റെ ഔപചാരിക ഉദ്ഘാടനം ഫൗണ്ടർ എ കെ ഫൈസലിന്റെ സാന്നിധ്യത്തിൽ ഐപിഎ ചെയർമാൻ വി കെ ഷംസുദീൻ നിർവഹിച്ചു. ഇരുപതോളം കമ്പനികൾ പ്രദർശനത്തിൽ പങ്കാളികളായി. വ്യവസായികളുടെയും ഇൻവെസ്റ്റേഴ്സിന്റെയും നിറഞ്ഞ പങ്കാളിത്തത്തോടുകൂടിയാണ് വൈകിട്ട് നടന്ന സംരംഭക മീറ്റ് നടന്നത്.
നോളജ് എക്കണോമിയിലേക്ക് കാലം മാറുമ്പോൾ കേരളത്തിലടക്കമുള്ള മികച്ച സ്റ്റാർട്ടപ്പുകളിലെക്ക്‌ നിക്ഷേപിക്കാൻ ഏറെ അവസരമുണ്ടെന്ന് കേരള സ്റ്റാർട്ടപ്പ് മിഷൻ ഡയറക്ടർ പി എം റിയാസ് ചടങ്ങിൽ പറഞ്ഞു.
എയ്ഞ്ചല്‍ ഇൻവെസ്റ്റ്മെന്റിന്റെ ആവശ്യകതയെ കുറിച്ച് മലബാർ എയ്ഞ്ചല്‍ നെറ്റ് വർക്ക് ചെയർമാൻ ശൈലൻ സുഗുണൻ വിശദീകരിച്ചു. സംരംഭക രംഗത്തെ വെല്ലുവിളികളെ കുറിച്ചും, ടെക്നോളജിയും മേഖലയിൽ വരുത്തിയ മാറ്റവും തന്റെ ജീവിതാനുഭവങ്ങളും അവതരിപ്പിച്ച ഫ്രഷ് 2 ഹോം കോഫൗണ്ടര്‍ മാത്യു ജോസഫിന്റെ പ്രസംഗം സംരംഭകർക്ക് പ്രചോദനമേകി.
ഇന്റർനെറ്റ്തിക്സിന്റെ പുതിയ സാധ്യതകളെക്കുറിച്ച് ഐവയർ ഗ്രുപ്പ് ചെയർമാൻ അഹ്മദ് ഫഷീയത്തും,സംരംഭകൻ ശിഹാബിന്റെ സ്റ്റാർട്ടപ്പ് യാത്രാനുഭവ അവതരണവും ഇഗ്നൈറ്റിനെ വേറിട്ടതാക്കി. പരിപാടിയിൽ കേരളത്തില്‍ നിന്നുള്ള 3 പുതിയ സ്റ്റാര്‍ട്ടപ്പുകളുടെ ഇന്‍വെസ്റ്റര്‍ പിച്ചും, നവ സ്റ്റാർട്ടപ്പുകൾക്ക് നിക്ഷേപം നടത്താൻ മുന്നോട്ട് വന്ന ഐവയർ ഗ്ലോബലിന്റെ ലോഗോ പ്രകാശനവും ഇതിനോട് അനുബന്ധിച്ച് നടന്നു.
ഭാവിയില്‍ ടെക്‌നോളജിയുടെ വാതായനങ്ങള്‍ തേടുന്ന ഓരോ മലയാളിക്കും അവസരങ്ങളുടെ വലിയ പ്രതീക്ഷയാണ് ‘ഇഗ്നൈറ്റ് 2022’ നൽകിയത്. ചെറുകിട, ഇടത്തരം ബിസിനസുകാര്‍ക്ക് ഉപയോഗപ്രദമാകുന്ന ലോകത്തിലെ ആദ്യ മലയാളി ഇകൊമേഴ്‌സ് ഓണ്‍ലൈന്‍ മാര്‍ക്കറ്റ് പ്‌ളേസായ മലയാളി ബിസിനസ് ഡോട്‌കോമിൽ ഇതിനകം തന്നെ 1200 ലധികം സംരംഭകർ രജിസ്റ്റർ ചെയ്തു കഴിഞ്ഞുവെന്ന് സിഇഒ മുനീർ അൽ വഫാ പറഞ്ഞു.
മലയാളി സംരംഭകർക്ക് ഏറ്റവും ഉപകാരപ്രദമായ സെഷനുകളാണ് ഐപിഎ 'ഇഗ്നൈറ്റ്' പകർന്നതെന്ന് ചെയർമാൻ വി കെ ഷംസുദ്ദീനും,സംരംഭകർക്ക് ഗുണകരമായ ഇത്തരത്തിലുള്ള പരിപാടി നടത്താൻ കഴിഞ്ഞതിൽ ഏറെ ചാരിതാർത്ഥ്യമുണ്ടെന്ന് സ്ഥാപകൻ എ കെ ഫൈസലും വ്യക്തമാക്കി കേരള സ്റ്റാർട്ടപ്പ് മിഷൻ പ്രതിനിധികളായ എൻ എം നാസിഫ്, റാസിഖ്, ജിനേഷ്, മുഹമ്മദ്‌ റഫീഖ് അൽ മായാർ, സി എ ശിഹാബ് തങ്ങൾ തുടങ്ങിയവരും ചടങ്ങിൽ സംസാരിച്ചു. പ്രായോജകരായ ഇ ഫസ്റ്റ് ഗ്രൂപ് പ്രതിനിധി ഷാഹി നൂർ
വേവ്ഡ്‌നെറ്റ് കമ്പ്യൂട്ടേഴ്‌സ് ചെയര്‍മാന്‍ ഹസൈനാര്‍ ചുങ്കത്ത്, ഐവയര്‍ ഗ്‌ളോബല്‍ മാനേജിംഗ് ഡയറക്ടര്‍ ഫിറോസ് കരുമണ്ണില്‍, ട്രസ്‌ലിങ്ക് ഹോള്‍ഡിംഗ് ഫൗണ്ടര്‍ സെമീർ പറവെട്ടി, നിജില്‍ ഇബ്രാഹിം കുട്ടി (യൂണിവേഴ്‌സല്‍ മെഡിക്കല്‍ സര്‍വീസസ്), ഫസലുറഹ്മാന്‍ (നെല്ലറ ഗ്രൂപ്), ഷറഫുദ്ദീന്‍ (ലീഗല്‍ മാക്‌സിംസ് കണ്‍സള്‍ട്ടന്റ്‌സ്), ബിബി ജോണ്‍ യുബിഎല്‍, ഷൈജു (എയറോഗ്‌ലിങ്ക്) നെല്ലറ ഷംസുദ്ദീൻ, മൻസൂർ ചിക്കിംഗ്, ഡോ. കാസിം,ചാക്കോ ഊളക്കാടന്‍ തുടങ്ങിയ നിരവധി സംരംഭകർ പരിപാടിയിൽ സംബന്ധിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.