സിഡ്‌നി: ഇന്ത്യയും ഓസ്‌ട്രേലിയയും തമ്മിലുള്ള ടി20 പരമ്പരയിലെ രണ്ടാം മത്സരം സിഡ്‌നിയില്‍ ആരംഭിക്കാനിരിക്കെ ഓസ്‌ട്രേലിയ്ക്ക് ആശങ്കയുണ്ടാക്കി ക്യാപ്റ്റന്‍ ആരോണ്‍ ഫിഞ്ചിന്റെ പരിക്ക്. നേരത്തെ ഡേവിഡ് വാര്‍ണര്‍ പരിക്കുമൂലം പരമ്പരയില്‍ നിന്നും ഒഴിവായതിന് പിന്നാലെയാണ് ഫിഞ്ചും പുറത്താകല്‍ ഭീഷണിയില്‍. സിഡ്‌നിയില്‍ ഞായറാഴ്ച നടക്കാനിരിക്കുന്ന രണ്ടാം ടി20യില്‍ ഫിഞ്ച് കളിക്കുന്ന കാര്യം സംശയത്തിലാണ്.
ആദ്യ ടി20യില്‍ ഇന്ത്യയോട് 11 റണ്‍സിന് തോറ്റ ഓസ്‌ട്രേലിയയ്ക്ക് രണ്ടാം മത്സരം നിര്‍ണായകമാണ്. ജയിച്ചില്ലെങ്കില്‍ പരമ്പര കൈവിടുമെന്നതിനാല്‍ ജയം മാത്രം ലക്ഷ്യമാക്കി ഇറങ്ങുന്ന ടീമിന് കപ്പിത്താനെ നഷ്ടമാകുമെന്ന ആശങ്ക നിലനില്‍ക്കുന്നു. ഇന്ത്യന്‍ ഇന്നിങ്‌സില്‍ ഫീല്‍ഡ് ചെയ്യുന്നതിനിടയില്‍ പരിക്കേറ്റ ഫിഞ്ച് കളിക്കുമോ എന്ന കാര്യം ഇന്ന് മാത്രമേ വ്യക്തമാവുകയുള്ളൂ.
ആദ്യ ടി20യില്‍ ബാറ്റ് ചെയ്യുമ്പോള്‍ തന്നെ ഫിഞ്ചിന് പരിക്കുണ്ടായതായി സൂചനയുണ്ട്. വിക്കറ്റിനിടയിലെ ഓട്ടത്തില്‍ ഫിഞ്ച് ബുദ്ധിമുട്ടുന്നത് കാണാമായിരുന്നു. ആദ്യ കളിയില്‍ 35 റണ്‍സെടുത്ത താരം ഏകദിനത്തിലും മികച്ച ഫോമില്‍ കളിച്ചിരുന്നതിനാല്‍ ഫിഞ്ച് കളിച്ചില്ലെങ്കില്‍ ഓസീസിന് പരമ്പരയില്‍ തിരിച്ചുവരിക പ്രയാസമാകും. വാര്‍ണറെ കൂടാതെ, മാര്‍ക്കസ് സ്റ്റോയ്‌നിസ്, ആഷ്ടന്‍ അഗര്‍ തുടങ്ങിയവരും പരിക്കിനെ തുടര്‍ന്ന് പുറത്തു നില്‍ക്കുകയാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26