നല്ല കിടിലന്‍ മണവും രുചിയും! ചിക്കന്‍ മസാല വീട്ടില്‍ ഉണ്ടാക്കാം

കറി മസാലകളെല്ലാം നമ്മള്‍ സ്ഥിരമായി ഉപയോഗിക്കുന്നതാണ്. എന്നാല്‍ ഇതെല്ലാം പുറമേ നിന്ന് വാങ്ങി പാക്കറ്റില്‍ ഉപയോഗിക്കുമ്പോള്‍ അതില്‍ എന്തൊക്കെ വസ്തുക്കള്‍ ചേര്‍ത്തിട്ടുണ്ട് എന്നത് പലര്‍ക്കും അറിയില്ല. ചിലപ്പോള്‍ അതെല്ലാം തന്നെ ആരോഗ്യത്തിന് വളരെയധികം ഹാനീകരമായിട്ടുള്ളതുമായിരിക്കും. വിവിധ മസാലകള്‍ വിപണിയില്‍ നമ്മുടെ ആവശ്യാനുസരണം ഇന്ന് ലഭ്യമാണ്. എന്നാല്‍ ഇവയൊക്കെ ഉപയോഗിക്കുമ്പോള്‍ അതോടൊപ്പം ആരോഗ്യ പ്രശ്നങ്ങളും ഉണ്ടാവുന്നു എന്നത് അറിഞ്ഞിരിക്കണം.

ഇന്ന് നമുക്ക് നല്ല അടിപൊളി ടേസ്റ്റില്‍ ഒരു കിടിലന്‍ ചിക്കന്‍ മസാല തയ്യാറാക്കാം. ഈ ചിക്കന്‍ മസാല നിങ്ങളുടെ വീട്ടില്‍ നല്ല നാടന്‍ രീതിയില്‍ വറുത്ത് പൊടിക്കാം. ചിക്കന്‍ വിഭവങ്ങള്‍ക്ക് മാത്രമല്ല നല്ല വെജിറ്റേറിയന്‍ കറികള്‍ക്കും ഈ മസാല ഉപയോഗിക്കാം. വീട്ടില്‍ തയ്യാറാക്കുന്നത് കൊണ്ട് തന്നെ യാതൊരു വിധത്തിലുള്ള ആരോഗ്യ പ്രശ്നങ്ങളും ഉണ്ടാവുന്നില്ല. ആരോഗ്യത്തിന് ഗുണകരമായ മസാലക്കൂട്ടുകള്‍ ചേര്‍ത്ത് നമുക്ക് നല്ല അടിപൊളി ടേസ്റ്റില്‍ ചിക്കന്‍ മസാല തയ്യാറാക്കാം.

ആവശ്യമുള്ള ചേരുവകള്‍

3 ടീസ്പൂണ്‍ മല്ലി മുഴുവന്‍
1 ടീസ്പൂണ്‍ ജീരകം
1 ടീസ്പൂണ്‍ കടുക്
1/2 ടീസ്പൂണ്‍ ഉലുവ
1/2 ടീസ്പൂണ്‍ കുരുമുളക്
1 ടീസ്പൂണ്‍ പെരുംജീരകം
3-4 കറുവപ്പട്ട ഇലകള്‍
6-7 ഗ്രാമ്പൂ
6-7 ഏലയ്ക്ക
1/4 ജാതിക്ക
2 കറുവപ്പട്ട
1 ടീസ്പൂണ്‍ പോപ്പി വിത്തുകള്‍
7-8 കശുവണ്ടി
8-10 ഉണക്കമുളക്
1 ടീസ്പൂണ്‍ കശ്മീരി മുളക് പൊടി
1/4 ടീസ്പൂണ്‍ മഞ്ഞള്‍ പൊടി
1 ടീസ്പൂണ്‍ ഇഞ്ചി പൊടിച്ചത്
2 ടീസ്പൂണ്‍ വെളുത്തുള്ളി പൊടിച്ചത്
1/2 ടീസ്പൂണ്‍ ഉപ്പ്
കറിവേപ്പില
മല്ലിയില

തയ്യാറാക്കുന്നതിന്

മുകളില്‍ പറഞ്ഞ ചേരുവകള്‍ എല്ലാ കൂടി ഒരു പാനില്‍ ഇട്ട് നല്ലതുപോലെ വറുത്തെടുക്കുക. അതിന് വേണ്ടി ആദ്യം ഇലകളെല്ലാം നല്ലതു പോലെ വറുത്തെടിക്കാം. പതുക്കെ പതുക്കേ ഓരോ ചേരുവകള്‍ എടുത്ത് വറുത്തെടുക്കാവുന്നാണ്. ഇതെല്ലാം ഇളം ചൂടില്‍ ഒരു മിക്സര്‍ ഗ്രൈന്‍ഡറില്‍ ഇട്ട് പൊടിച്ചെടുക്കുക. നല്ല മണവും രുചിയും ഉള്ള ചിക്കന്‍ മസാല റെഡി. എയര്‍ടൈറ്റുള്ള ഒരു കണ്ടൈനറില്‍ നിങ്ങള്‍ക്ക് ഇത് സൂക്ഷിച്ച് വെക്കാം. അപ്പോള്‍ ഇന്ന് തന്നെ ഈ റെസിപ്പി പരീക്ഷിച്ച് നല്ല കിടിലന്‍ ചിക്കന്‍ മസാല വീട്ടില്‍ തയ്യാറാക്കൂ.