ആങ് സാൻ സൂകിയുടെ മോചനം ആവശ്യപ്പെട്ട് സൈനീക ഭരണത്തിനെതിരെ മ്യാൻമറിൽ ശക്തമായ പ്രതിഷേധം

റങ്കൂൺ: മ്യാൻമറിൽ അധികാരത്തിൽ നിന്ന് പുറത്താക്കപ്പെട്ട നേതാവ് ആങ് സാൻ സൂകിയെ മോചിപ്പിക്കാനും സൈനിക ഭരണം അവസാനിപ്പിക്കണമെന്നും ആവശ്യപ്പെട്ട് ജനങ്ങൾ നടത്തുന്ന പ്രതിഷേധം കനക്കുന്നു. പട്ടാള ഭരണകൂടം കൂടുതൽ സൈനികരെയും കവചിത വാഹനങ്ങളെയും വിന്യസിച്ചിരിക്കുന്നുവെങ്കിലും പ്രതിഷേധക്കാർ അവയൊന്നും വകവയ്ക്കാതെ ഇന്നലെയും തെരുവുകളിൽ ഇറങ്ങി.

സ്ഥാനഭ്രഷ്ടയാക്കപ്പെട്ട സൂകിയെ ആറ് വാക്കി-ടോക്കി റേഡിയോകൾ അനധികൃതമായി ഇറക്കുമതി ചെയ്തുവെന്നാരോപിച്ച് പട്ടാളം തടങ്കലിൽ വയ്ക്കുകയായിരുന്നു. ഫെബ്രുവരി ഒന്നിലെ സൈനീക അട്ടിമറിയും സമാധാന സമ്മാന ജേതാവായ സൂകിയെയും മറ്റു പ്രമുഖ നേതാക്കളെയും അറസ്റ്റ് ചെയ്തത് ഒരു ദശകത്തിനിടെ നടന്ന മ്യാൻമറിലെ ഏറ്റവും വലിയ പ്രതിഷേധത്തിന് കാരണമായി.

ജനാധിപത്യത്തിലേക്കുള്ള പ്രയാണത്തിനിടെ സൈന്യം നടത്തുന്ന കടന്നു കയറ്റത്തെ എതിർക്കുവാൻ ലക്ഷക്കണക്കിന് ആളുകൾ തെരുവിലിറങ്ങി. 2011 ൽ അവസാനിച്ച സൈനീക ഭരണം സിവിലിയൻ രാഷ്ട്രീയത്തിൽ നിന്ന് പിന്മാറാനുള്ള പ്രക്രിയ ആരംഭിച്ചിരുന്നു. സൈന്യം ഇത്തവണ ജനക്കൂട്ടങ്ങളെ നേരിടുന്നതിന് അക്രമം പരിമിതപ്പെടുത്തിയിട്ടുണ്ടെങ്കിലും വടക്കൻ മ്യാൻമറിലെ ഒരു പവർ പ്ലാന്റിൽ പ്രതിഷേധക്കാരെ പിരിച്ചുവിടാൻ ഞായറാഴ്ച പോലീസ് വെടിവച്ചു. റബ്ബർ ബുള്ളറ്റുകളാണോ ഉപയോഗിച്ചത് എന്ന് വ്യക്തമല്ലെങ്കിലും ആളപായത്തെക്കുറിച്ച് വിവരങ്ങൾ ലഭ്യമല്ല.

നിരവധി പട്ടണങ്ങളിലും നഗരങ്ങളിലും പ്രകടനങ്ങൾ നടക്കുന്നതിനോടൊപ്പം സർക്കാർ ഉദ്യോഗസ്ഥരുടെ പണിമുടക്കിനെയും സൈന്യം അഭിമുഖീകരിക്കുന്നു. ഇത് സർക്കാരിന്റെ പല പ്രവർത്തനങ്ങളെയും തകർക്കുന്നതാണ്. അട്ടിമറിക്ക് ശേഷം ആദ്യമായി വൻതോതിൽ യാങ്കോൺ, വടക്കൻ പട്ടണമായ മൈറ്റ്കിന, പടിഞ്ഞാറ് സിറ്റ്വെ എന്നിവിടങ്ങളിൽ കവചിത വാഹനങ്ങൾ ഞായറാഴ്ച വിന്യസിച്ചിരുന്നു.

പലയിടങ്ങളിലും സ്‌കൂൾ വിദ്യാർത്ഥികളും പ്രതിഷേധക്കാർക്കൊപ്പം അണി ചേരുന്നു. 75 കാരിയായ സൂകി സൈനിക ഭരണം അവസാനിപ്പിക്കാനുള്ള ശ്രമങ്ങൾക്കായി 15 വർഷത്തോളം വീട്ടുതടങ്കലിൽ കഴിയുകയായിരുന്നു. സൈന്യം രാത്രികാല അറസ്റ്റുകൾ നടത്തുകയും സ്വയം തിരയൽ, തടങ്കലിൽ വയ്ക്കാനുള്ള അധികാരം നൽകുകയും ചെയ്തിട്ടുണ്ട്. അട്ടിമറിക്ക് ശേഷം കുറഞ്ഞത് 400 പേരെ കസ്റ്റഡിയിലെടുത്തിട്ടുണ്ടെന്ന് മോണിറ്ററിംഗ് ഗ്രൂപ്പ് അസിസ്റ്റൻസ് അസോസിയേഷൻ ഫോർ പൊളിറ്റിക്കൽ തടവുകാർ പറഞ്ഞു.

പ്രതിഷേധ സമരങ്ങൾ തടയുന്നതിനായി സൈന്യം പീനൽ കോഡ് ഭേദഗതികൾ ഞായറാഴ്ച പ്രസിദ്ധീകരിച്ചു. അറസ്റ്റ് , റെയിഡുകൾ , ഇന്റർനെറ്റ് ബന്ധം വിച്ഛേദിക്കുക എന്നിങ്ങനെയുള്ള പ്രവർത്തങ്ങളിലൂടെ അവരെ അടിച്ചമർത്തുവാൻ സൈന്യം ശ്രമിക്കുന്നു.

യൂറോപ്യൻ യൂണിയൻ, ബ്രിട്ടൻ, കാനഡ,എന്നിവരോടൊപ്പം മറ്റ് 11 രാജ്യങ്ങളുടെ എംബസികൾ മ്യാൻമർ സൈന്യത്തോട്, നിയമാനുസൃതമായ സർക്കാരിനെ അട്ടിമറിച്ചതിൽ പ്രതിഷേധിക്കുന്ന പ്രകടനക്കാർക്കും സാധാരണക്കാർക്കുമെതിരായ അതിക്രമങ്ങളിൽ നിന്ന് വിട്ടുനിൽക്കണമെന്ന് ആവശ്യപ്പെട്ടു.