അക്ര: ആഫ്രിക്കന്‍ രാജ്യമായ ഘാനയില്‍ മൂന്ന് ഇന്ത്യന്‍ കത്തോലിക്കാ മിഷണറി വൈദികര്‍ക്കുനേരെ ആക്രമണം. ജസിക്കന്‍ കത്തോലിക്കാ രൂപതയിലെ ഫ്രാന്‍സിസ്‌കന്‍ കപ്പൂച്ചിന്‍ വൈദികരായ ഫാ. റോബിന്‍സണ്‍ മെല്‍ക്കിസ്, ഫാ. ഫ്രാങ്ക് ഹെന്റി ജേക്കബ്, ഫാ. മാര്‍ട്ടിന്‍ ജോര്‍ജ് എന്നിവരാണ് ആക്രമിക്കപ്പെട്ടത്. ക്പാസ സെന്റ് മൈക്കിള്‍സ് ഇടവകാംഗങ്ങളാണ് ഇവര്‍.
ഘാനയിലെ ഒട്ടി മേഖലയില്‍ എന്‍ക്വാണ്ടയ്ക്ക് സമീപമാണ് ആക്രമണം നടന്നത്. ഡിസംബര്‍ 11 ന് എന്‍ക്വാണ്ടയിലെ പെട്രോള്‍ സ്റ്റേഷനില്‍ രോഷാകുലരായ ജനക്കൂട്ടം വൈദികരെ ക്രൂരമായി മര്‍ദിക്കുകയായിരുന്നു.
2005 മുതല്‍ ഘാനയില്‍ മിഷനറിമാരായ ഇവര്‍ ഒട്ടി മേഖലയിലെ എന്‍ക്വാണ്ട-നോര്‍ത്ത് ഡിസ്ട്രിക്ടിലെ ക്പാസയില്‍ താമസിക്കുകയും ശുശ്രൂഷ ചെയ്യുന്നവരുമാണ്. എന്‍ക്വാണ്ട-സൗത്തിലെ ചിസോയില്‍ കെട്ടിടം പണിയാന്‍ ഉദ്ദേശിക്കുന്ന സ്ഥലത്തേക്ക് ഒരു ബുള്‍ഡോസര്‍ വാടകയ്ക്ക് എടുത്തപ്പോഴായിരുന്നു ആക്രമണമുണ്ടായത്.
വാഹനത്തിന് സമ്മതിച്ച വാടക നല്‍കിയശേഷം മൂന്ന് കപ്പൂച്ചിന്‍ സന്യാസിമാര്‍ മുനിസിപ്പല്‍ ഉദ്യോഗസ്ഥര്‍ക്കൊപ്പം അത് ചിസോയിലേക്കു കൊണ്ടുപോയി. ഒരു പെട്രോള്‍ സ്റ്റേഷനിലെത്തി ബുള്‍ഡോസറിന്റെ ടാങ്ക് നിറയ്ക്കാന്‍ പോയപ്പോള്‍, ബുള്‍ഡോസര്‍ മോഷ്ടിക്കാന്‍ ശ്രമിച്ചുവെന്ന് ആരോപിച്ച് ജനക്കൂട്ടം ഇവരെ അക്രമിക്കുകയായിരുന്നു. മൂന്ന് വൈദികരും രണ്ട് മുനിസിപ്പല്‍ ഉദ്യോഗസ്ഥരും 30 മിനിറ്റോളം ക്രൂരമായ മര്‍ദനത്തിന് ഇരയായി. ഘാനയിലെ ഇമിഗ്രേഷന്‍ സേവനത്തിലെ ഉദ്യോഗസ്ഥരാണ് ഇവരെ രക്ഷിച്ചത്.
മോഷണം നടത്തി എന്ന വ്യാജ ആരോപണമാണ് ജനക്കൂട്ടം വൈദികര്‍ക്കെതിരെ ഉയര്‍ത്തിയത്. പൊലീസില്‍ അറിയിച്ചതും ഇക്കാര്യമാണ്. പൊലീസ് മൂന്നുപേരെയും കസ്റ്റഡിയിലെടുത്തെങ്കിലും ജസിക്കന്‍ രൂപത വികാരി ജനറാള്‍ ഇടപെട്ടതിനെ തുടര്‍ന്ന് ഇവരെ പിന്നീട് വിട്ടയയ്ക്കുകയും ആവശ്യമായ ചികിത്സ നല്‍കുകയും ചെയ്തു. ഫാ. ഫ്രാങ്കിന്റെ ഒരു ചെവിയുടെ കേള്‍വിശക്തി നഷ്ടപ്പെട്ടു. ഘാനയിലെ ബിഷപ്പും ഘാന ബിഷപ്പ് കോണ്‍ഫറന്‍സ് പ്രസിഡന്റുമായ ബിഷപ്പ് മാത്യു ക്വാസി ഗ്യാംഫിയുമായി ഘാന പൊലീസ് മേധാവി ബന്ധപ്പെടുകയും സംഭവത്തെക്കുറിച്ച് അന്വേഷിക്കുമെന്നും ആക്രമണത്തിന് ഉത്തരവാദികളായവരെ നിയമത്തിനുമുന്നില്‍ കൊണ്ടുവരുമെന്നും ഉറപ്പ് നല്‍കി
കുറ്റവാളികളെ നിയമത്തിന് മുന്നില്‍ കൊണ്ടുവരാനും എല്ലാ പൗരന്മാരുടെയും, പ്രത്യേകിച്ച് വിദേശ മിഷണറിമാരുടെയും സുരക്ഷയും സുരക്ഷയും ഉറപ്പാക്കണമെന്നും ഘാനയിലെ കത്തോലിക്കാ ബിഷപ്പുമാര്‍ അധികാരികളോട് ആവശ്യപ്പെട്ടു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.