തൃശൂര്‍: വിനോദ സഞ്ചാരികള്‍ക്ക് ഇനി തൃശൂരിന്റെ നഗര സൗന്ദര്യവും പുത്തൂര്‍ സുവോളജിക്കല്‍ പാര്‍ക്കും ഇനി ഡബിള്‍ ഡക്കര്‍ ബസില്‍ ഇരുന്ന് ആസ്വദിക്കാം. ഇതിനായി മുകള്‍ഭാഗം തുറന്ന കെഎസ്ആര്‍ടിസിയുടെ ഡബിള്‍ ഡക്കര്‍ ബസ് ട്രയല്‍ റണ്‍ പൂര്‍ത്തിയാക്കി. മന്ത്രിമാരായ കെ. രാജനും കെ.ബി ഗണേഷ് കുമാറും ട്രയല്‍ റണ്‍ ഓട്ടത്തിനൊപ്പം ചേര്‍ന്നു.
തൃശൂര്‍ രാമനിലയത്തില്‍ നിന്നും സുവോളജിക്കല്‍ പാര്‍ക്കിലേക്കുള്ള ബസ് യാത്ര വ്യത്യസ്തമായ അനുഭവമാണ് സമ്മാനിച്ചതെന്ന് മന്ത്രി മന്ത്രി കെ. രാജന്‍ ഫെയ്സ്ബുക്കില്‍ കുറിച്ചു. തൃശൂരുക്കാര്‍ക്ക് പുതുവത്സര സമ്മാനമായി പുതിയ ഇലക്ട്രിക് ഡബിള്‍ ഡക്കര്‍ ബസ് നഗരത്തിലെത്തുമെന്നും മന്ത്രി പറഞ്ഞു.
1.5 കോടി രൂപയുടെ ഇലക്ട്രിക് ഡബിള്‍ ഡക്കര്‍ ബസാണ് തൃശൂരിലേക്ക് അനുവദിച്ചിരിക്കുന്നത്. തൃശൂര്‍ നഗരക്കാഴ്ചകള്‍ എന്ന പേരിലാണ് ബസ് സര്‍വീസ് നടത്തുക. തൃശൂര്‍ നഗരത്തില്‍ നിന്ന് യാത്ര ആരംഭിച്ച് സ്വരാജ് റൗണ്ടിലൂടെ ചുറ്റി വിവിധ നഗരത്തിന്റെ വിവിധ ഭാഗങ്ങളിലുടെ സഞ്ചരിച്ച് ജൂബിലി മിഷന്‍, കുട്ടനെല്ലൂര്‍ വഴി പുത്തൂര്‍ സുവോളജിക്കല്‍ പാര്‍ക്കിനുള്ളില്‍ ചുറ്റി നഗരത്തില്‍ സമാപിക്കുന്ന രീതിയിലായിരിക്കും യാത്ര.
ആദ്യമായാണ് തൃശൂരിലും പുത്തൂരിലും മുകള്‍ ഭാഗം തുറന്ന ഒരു ഡബിള്‍ ഡക്കര്‍ ബസ് എത്തുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.