ദുബായ്: യുഎഇയില്‍ ഇന്ന് കൂടുതല്‍ മഴ പ്രതീക്ഷിക്കാമെന്ന് കാലാവസ്ഥ നിരീക്ഷണകേന്ദ്രം. അതേസമയം രാജ്യത്ത് ചൂട് കൂടാനാണ് സാധ്യത. പൊടിക്കാറ്റടിക്കുന്നതിനാല്‍ അലർജിയടക്കമുളള സാധ്യതയുളളതിനാല്‍ പുറത്തേക്ക് പോകുമ്പോള്‍ മുന്‍കരുതല്‍ നടപടിയെടുക്കണമെന്നും നിർദ്ദേശമുണ്ട്.
റോഡുകളിലെ ഇലക്ട്രോണിക് ബോർഡുകളിലെ നിർദ്ദേശങ്ങള്‍ അനുസരിച്ച് വാഹനമോടിക്കണം. അബുദാബിയില്‍ കാലാവസ്ഥയ്ക്ക് അനുസരിച്ച് റോഡിന്റെ വേഗപരിധിയില്‍ മാറ്റം വരുത്താറുണ്ട്. അതുകൊണ്ടുതന്നെ വാഹനമോടിക്കുമ്പോഴും ശ്രദ്ധവേണമെന്നും അറിയിപ്പ് വ്യക്തമാക്കുന്നു.