ജറുസലേം : ഇസ്രയേലിലെ മലയാളി കൂട്ടായ്മയായ വോയ്സ് ഓഫ് ജെറുസലേമിൻ്റെ നേതൃത്വത്തിൽ ജറുസലേമിൽ സാൻ്റാ ഫീസ്റ്റ് എന്ന പേരിൽ ക്രിസ്തുമസ് ആഘോഷം സംഘടിപ്പിച്ചു. ഇന്ത്യൻ എംബസി അറ്റാഷെ വി. ശ്രീധർ ഉത്ഘാടനം നിർവഹിച്ചു.
എംബസി വിസ ഓഫീസർ രൂപേഷ് നെയ്ൽവാൾ ആശംസ സന്ദേശം നൽകി. റോബിൻ പൗലോസ് സ്വാഗതവും ഷിജോ ജോസ് നന്ദിയും പറഞ്ഞു. 1. 30 ന് ഫ്ലാഷ്മോബോടെ ആരംഭിച്ച പരിപാടി ആറ് മണിയോടെ ഡിജെയോടെ അവസാനിച്ചു.
നാനൂറോളം ആളുകൾ പങ്കെടുത്ത പരിപാടിയിൽ നിരവധി കലാകാരൻമാരും കലാകാരികളും അവതരിപ്പിച്ച നൃത്തനൃത്യങ്ങളും സംഗീതങ്ങളും കണ്ണിനും കാതിനും കുളിർമ്മ പകരുന്നതായിരുന്നു. പങ്കെടുത്തവർക്ക് സമ്മാനങ്ങൾ വിതരണം ചെയ്തു.
പ്രവാസ ജീവിതത്തിൽ ഇസ്രയേലിലെ മലയാളികൾക്ക് മറക്കാനാവാത്ത അനുഭവം ആയിരുന്നു സാൻ്റാ ഫീസ്റ്റ് എന്ന മെഗാഷോ. പങ്കാളിത്തം കൊണ്ടും വ്യതസ്തതയാർന്ന അവതരണവും കലാപരിപാടികളും കൊണ്ട് വൻ വിജയമായിരുന്നു. സ്നേഹ വിരുന്നും ഉണ്ടായിരുന്നു. സായേഷ്, ബിനോയി ചാക്കോ, നിക്സൺ, ബ്രിൽ, വിജീഷ് റ്റിനോ, നിമേഷ് സെബാസ്റ്റ്യൻ, ബിബിൻ, ഷിൻ്റോ, രാജീവ് കുമാർ, സിസി, ജോളി, സൂര്യാ, ബ്ലസി, അനിത, സംഗീത, എന്നിവർ പരിപാടികൾക്ക് നേതൃത്വം നൽകി.
